الحمد للي كلنا حامدينه ...اللي شفا شيخ الجميع أبو سلطان

الحمد للي كلناحامدينه=اللي شفى شيخ الجميع ابوسلطان
كل واحد منا رفع له يمينه = الشاهد كلنا اليوم فرحان
الدار لبست للفرح كل زينه=أفراح عمت كل بيتٍ وديوان
عزي بيارق للفرح و السكينة= واستبشري في راحت فلان وفلان
الطيب ما هو سلعة مشترينه = طيب أساس مسلسل من كحيلان
رجا إلى لعب الهوى بالسفينه = وقف لها موقف بطولة وشجعان
مواقف كل الملا شاهدينه = الشاهد الله يوم روغات الاذهان
رجا بنى الجوبه وثبت قطينه= خلاه هيبة بين بدو وحضران
نضايضة بالجوف يرسى حصينه = أشبال تتوارث على طول الازمان
الطيب والنوماس متوارثينه=شجعان لاغتر على الجو دخان
اليوم وأمس وكل حين بحينه = يستاهلون المدح طلقين الايمان
مواكر علم الفخر كاسبينه = كسب بالأيادي ما شروها بالاثمان
عبدالرحمن الشيخ هم خابرينه = مواقفه يشهد لها كل إنسان
يرسي مثل ما يرسي جبال المدينه= يفعل بصمت وكل ناس لهم شان
الشيخ ابو سلطان ربي يعينه = خلف حرار تعجبك يوم الأكوان
الفخر هو والمدح مستاهلينه= مفروض يرفع للمويشير تيجان
لو أفتح الصفحات وأبدي كنينه= أمجادكم سجلها دوم مليان
ماقل دل وطيبكم مدركينه =بالسيف والمنسف على كل الأحيان
يارب ابو سلطان طول سنينه=يحماه رب العرش ويزيده إيمان
والخاتمة سلام يا سامعينه = ما غنت الورقى على خضر الأغصان