سلام ردية وفاء من باب حشمة واحترام=في منتدى الهيلا عتيبه للرجال ابديبها
يا نايف الثعلي على الدنيا واناخوك السلام=بعد ماقام ابالحصين ابها ينافس ذيبها

يامرحبا ترحيب مثل النور جلاي الظلام=في منتدي ربعن تفيد الطيبه من طيبها
ياصاحبي لن كان تدري بالحلال من الحرام=بعض السوالف ماتفيدك لاتزيد اتجيبها

دام البقا ياهل المحاني يا رفيعين المقام=يالعزوه اللي ذكرها يسد عن تجريبها
يا صاحبي هاضت هواجيسي بعد بعض الكلام=وانته تجاهلها وانا ادري والعرب تدريبها

سر المعاني سرها لن كان لك قصد ومرام=واشيب عينك ساع جاك الي تبا واشيبها
انته من ايات العرب علم ولاحولك ملام=ياراعي البندق بلا نيشان لاترميبها

راجع ملفاتك ودقق بس راجع بهتمام=واحسب حسابك والليال احذر يانايف غيبها
انا من اللي يكسبون الطيب عامٍ بعد عام=ولي بندقٍ لاوجهت صوب الهدف ماخطيبها

يالشاعر الي ماكتبت اسمك ولا عندك وسام=اقول يمناك الكريمه خلها في جيبها
كل القبايل يكسبون الطيب في وقت الزحام=مار انت لاتجمع حلوم الليل وتهذريبها

لو اكتب اسمي والله التسهر عيونك ما تنام=ياللي من الختم الحمر بك بصمه اتماريبها
بعض المكاسب مالها يا صاحبي شرع ونظام=لكن فكر فالحون اللي تبا اتغنيبها