لــــو التـــمـــــانـــي مـابـها خـيـبـة ظـــنــــون
 

السلام عليكم ورحمة الله وبركاته..


اعتذر عن هذا الغيااب لظروفي الخاصه..


وبعد هذا الغياب اتيتكم بجديدي..


اترككـــــم..





البارحه صدري من الهم مكنون
...............وكن الضماير ضاميات(ن) حياما
واسهر وانا من داخل القلب محزون
................ومن السهر ماذقت حلو المناما
دنيا تغيّر كل صاحي ومجنون
..............حتى الردي عدّوه ضمن النشاما
وعمر الردي ذكراه بالناس مدفون
...................هذا الردي ياناس ماله مقاما
وعرق الردى من خلقت الناس ملعون
...................والطيب كايد والمراجل مراما
احد(ن)يروم المجد لرّجم يرقون
.............واحد(ن)صعوده للمعالي عساما
وترى الرجال اللي على الطيب يمشون
.............لهم وقار(ن)بين ناس(ن)حشاما
ولو التمانّي مابها خيبة ظنون
.................حققت من كثر التماني احلاما
وقالو انتمنى قلت ليت اتمنّون
.............فعل المراجل مثل ناس(ن)كراما
ناس(ن)لهم بالمجد تاريح وألحون
.....................راحو وخلو فعلهم بالسناما
ألا شتات(ن)فيه منهم يسيرون
...................عسا لهم بالقلب كل احتراما
ولو البشر من داخل القلب يصفون
..........كل(ن)مشى بدنياه حسب النظاما
وحتى السلام اليوم بالنفس ممنون
...............لاشك بعض الناس عمره نداما
يشمت ويلعن بالبشر يوم يقفون
..............وهرجة لسانه في ظهور الاناما
وان كان قلبك من عنا الوقت مغبون
..............اضرب على الكايد وشد الحزاما
وخلك مع اللي بالمواقف يسرّون
..........ناس(ن)على حل الصعايب عصاما
ويالله ياللي لك عبادك يصلون
...................تغفر لنا من قبل يوم القياما



وسلامتكم :)

صح لسانك مبدع

صح لسانك يابن حرب
قصيده جزله من شاعر جزل
تقبل تحياتي

متعب المهيدلي صح بدنك..



ولاهنت على المرور :)

صح بدنك يافواز ..



وبيض الله وجهك على المرور..