ركبنا بعد فاضوا من الفجر مـن عفيـف=على اللي يسلي خاطري حـس ماطـوره
مزاين عتيبة يشرح الصـدر بالتوصيـف=نمر البل الزانـه وناخـذ لهـا صـوره
نبا نقضي الاعياد مع مكرميـن الضيـف=يشرفنـي المسيـار والنفـس مسـروره
هل السيف والمنسف هل المجد والمضيف=رباعين نعم من اول الوقـت وعصـوره
اماره علـى الجـدان ماجـات بالتزيـف=عن الشر منهيه علـى الخيـر مامـوره
ذخاير محصـن مجدهـم مايبـا تعريـف=لهم سمعة ٍ فـي نجـد بالعـز مذكـوره
مواقف عمر مع الملك زادهـم تشريـف=يقود الجموع ومستشـار ٍ لخـو نـوره
اخو نوره اللي يوم الاسلام كان ضعيـف=رفع راية الاسلام والشعـب فـي شـوره
جمع شمل الامه في زمان كبد ٍ ومخيـف=عطاه الله الحكمه والاسـلام جـاء دوره
حياة ٍ كفاح وفقـر مايشبعـون رغيـف=عدل ساقي البتـرول مـن راس تنـوره
عطى امره وتعميده على رامكو في السيف=يزيـدون فالانتـاج وابيـار محـفـوره
تدفق حقول النفط شـرق مـن القطيـف=يغـذي شراييـن المناطـق بمـاصـوره
امان وطمان وخير يشبع قوي وضعيـف=كثير ٍ من الخيـرات وقصـور معمـوره
ضعاف العقول اللي عليها الزمان مريـف=هل القتـل والارهـاب اذلـه ومحقـوره
عرف شعبنا كيف يتعامل وهـل وكيـف=مع الزمره اللي عنـد الاسـلام محـذوره
جماعة هـل التكفيروالكـذب والتحريـف=على القتـل والتكفيـر مهيـب مجبـوره
ركب في شداد ابليس والموت له رديـف=شياطيـن خلـق الله تعـاقـب كــوره
يعيش برغد من قبل يبدا بـه التخويـف=ليا قام من نومـه يعـود علـى سـوره
لوانه حمد ربـه بقلـب تقـي ونظيـف=يراقب جليـل الملـك مامـات بحـروره
الايـا الله ارحمنـا برحمتـك يالطـيـف=عواقب هل التبذيـر والحـرب وشـروره

للشاعر / دحيم بن رشيد الغنـــامي