الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى ارشيف المحاورات المباشره والمميزه) (http://www.otaibah.net/m/forumdisplay.php?f=96)
-   -   علي العضياني وسلطان الجذع ((مميزة)) (http://www.otaibah.net/m/showthread.php?t=89726)

سعود العصيمي 24-Apr-2009 03:04 PM

علي العضياني وسلطان الجذع ((مميزة))
 
سلطان الجـذع=

مرحبا ترحيبةٍ تخلص طليبٍ من طليبـه=والوعد هذا اوله واتلاه مع نور الصباحي
ياعلي لا قدر الله لو تجي شاعر عتيبه !!=ضاقت الدنيا على الاجواد من كل النواحي

علي فلاح العضياني=

البقا بالشاعر اللـي يعتبـر شاعـر مصيبـه=و للمصيبه كمّ معنى (فاللّغه ) و ( الاصطلاحي )
العضيّانـي عطـاه الله يـا سلطـان هيـبـه=و الله انّا ما نلومـك لـو تطنّـب بالصياحـي

سلطان الجـذع=

والله انا مانقف عند الكلام اللـي تجيبـه=لين يرقى للردود اللي مثل ضرب السلاحي
ماعليه خلاف لكن فيه شك وفيـه ريبـه=تضحك سنونه لو انه يشرب السم الذحاحي


علي فلاح العضياني=

نظرتي دايم بعيد و نظرتك دايم قريبـه=يا شديّد و الله انّك ما تجي مثل الرياحي
ما عليه الطيّب اللي يعرفون الناس طيبه=المهمّه يالجذع تبغى لها رجّال صاحـي


سلطان الجـذع=

عندي السيف الرهيف وعندي الكف العطيبـه=والصباح اللي سكن دسمان يبشر بالصباحي !!
لو عطوك الكور وحبـال النجيبـة والنجيبـه=ياعلي لاتحسب التسبيح لعبـك بالسباحـي !!



علي فلاح العضياني=

أنت جنـدي فالكتيبـه مـا انـت قايـد للكتيبـه=( عظم تبطي ) ما وصلت لمستوى ( علي فلاحي )
يالعتيبـي كـلّ جـرحٍ يعـرف علاجـه طبيـبـه=الجـهـود الله يجعلـهـا تكـلّـل بالنـجـاحـي


سلطان الجـذع=

انتظر ياصاحبي لين الزمان يبين غيبـه=السحاب قنوف والبراق في منشاه لاحـي
حملت العذرى وجات بتوم فظروفٍ غريبة=الله انه لايجير اللي معه عقـد النكاحـي

علي فلاح العضياني=


أطلب الله ينقذك ... مرّيت بظروفٍ صعيبه=الله يسهّل طريق الباص ( يالكبتن مناحي )
نعرف فروخ الحرار اللي مجانيها عريبـه=يشتويها جاهلٍ ما يعرف طيـور الفلاحـي


سلطان الجـذع=

كان ماجت بالرضا ياصاحبي جت بالغصيبـه=لين يرجع فاعل المحظور لحدود المباحي !!
انت في عرفك تقول المخطيه مثل المصيبـه=ماعرفت الفرق فكفوف الاكارم والشحاحي !!




علي فلاح العضياني=

العذاب اللي حصلّك صار للشّهره ضريبه=الله يعينك على ضرب الجنابي و الرماحي
الله اللي عزّ مكّه و الله اللي عزّ طيبـه= كل كلمه ما لها معنى تطير مع الرياحي


الساعة الآن »08:44 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd