الله من قلبن سطوبه حبايبه=سطوا صقيل يوم يسطي ضرايبه
صارو له احبابه كما علت النحر=واسقوه من جمرن تزايد لهايبه
يا متلفين الروح والروح هايمه=في حبكم ماهي عن الحب تايبه
تتعب على بيت الهوى الي يضفها=تخاف من وقتن تزايد مصايبه
ياوجد قلبي ياغزالن مذيره=سمعت ونس صوت الهوى في هبايبه
ويوم استدارت دارت الا رض حولها=وازريت لامشي والقدم منه عايبه
وفي جسمها ريح الخزاما مخمره=خمريتن وعيونها سود رايبه
والساق مدموجه ويمشي براحته=والجمرتين الموت زادت عجايبه
جمره على جمره وبرقه يخاطفه=والكلمه ليا من هرج منه ذايبه
وانحلت الفرقا دخليك ياجايره=ردي حيات اسعود والروح طايبه
ردي حبيبن فالحشا ذي منازله=ومن قطعت ضلوعي عطيته وهايبه
واليوم ابشكي يوم ضاقت دوربها=شكوى يتيم مضيقينه قرايبه
سداح ياسداح ماعاد بي صبر=افزع لقلبن زاد خله عطايبه
ياذخر عودن وافياتن خصايله=يوم الولد دربه على نهج شايبه
وانا مريض وعلتي من طبيبها=والعله الي جاتني من سبايبه
بالله يا سداح روحي تعذبت=الحق على اللي علته من حبايبه

غنّا الدماسي عقب شبّت شبايبه=وأسند عليّ من الفرايد غرايبه
كتب على بحر الهلالي قصيدته=طرق ٍ من أرشيف المغنيّن جايبه
وأن كان قصده يختبرني بردّها=الردّ حاضر والشياطين غايبه
يوّن قلبه من صوابه ويشتكي=ويقول قلبي كيف تبرا صوايبه
ومن قصة العشاق نفسي تحيّرت=وظنونها من سيرة الحبّ خايبه
الناس خلق أجناس يفرق مرادها=واللي وهبها ما تعدد وهايبه
أن كان ما تقدر على غبة البحر=خلك على جاله وتسلم نوايبه
ماجور يا سعود الدماسي من الهوى=لا بدّ تدفع يا العتيبي ضرايبه
غدا بك اللي حلّ حالك من الحلا=سود ٍ مضاليله .. وشقر ٍ ذوايبه
حطيّت روحك فوق كفّه وضمّها=وأومى بها لكنّ ماهيب سايبه
قل هاتها هو ما درا أنه لعبّ بها=وصارت على قول المثل من لعايبه
أخذ النصيحه والنصيحة على النقاء=الحبّ خلّه لاتطيح بنشايبه
شف حالة العشاق وأفطن لحالها=كم روس مع درب المحبيّن شايبه
يقولها مجرّب وتنجيه خبرته=وجهة نظر في الحبّ عنده .. و راي به
الوقت يركض والمصالح تسابقت=لين النقاء المجرود زادت شوايبه

صحت ألسنتهم جميعا الشكر لك محمد العتيبي

سوالي عن سداح الشاعر عتيبي أول مره أسمع بهذا الاسم يأخوان هل حي ليت اللي عنده معلومات يخبرني عن هذا الشاعر قصيده صراحه أعجبنتي شكله شاعر متمكن ...

المشاركة الأصلية كتبت بواسطة هايل العتيبـــي (المشاركة 841969) ياسلااااااااام يامحمد ... مساجله رائعه ..بين الاخ والشاعر العزيز / سعود الدماسي... وبين الشاعر المحّنك والفذ / سداح..... صح لسانهم جميع ... لاهنت ..وماقصّرت ... .......

المشاركة الأصلية كتبت بواسطة أنا معك (المشاركة 841977) صحت ألسنتهم جميعا الشكر لك محمد العتيبي سوالي عن سداح الشاعر عتيبي أول مره أسمع بهذا الاسم يأخوان هل حي ليت اللي عنده معلومات يخبرني عن هذا الشاعر قصيده صراحه أعجبنتي شكله شاعر متمكن ...