ياسعود الله يجيرك من صواديف الزماني=هاك علم وجيب علم وخلها بيضا نقيه
شاب راسك وانت توك ضرس عقلك دوب باني=وان نشدتك ليه قلت من الحروب العالميه

الله ايجيرك من صدوف الزمان القلباني = هات علم وهاك علم وكل علم له لديه..
كم وكم من راس شيبه الزمن يامودماني = لاتغارب لو يشيب الشاب وعزومه قوية.

العلوم ابها هلايم والعلوم ابها سماني=وانت شاعر عرف وتعرف الرباع من الثنيه
مير في تالي زمانك صار لك هنداب ثاني=غبت في عيد رمضان وجيت في عيد الضحيه

والرجال الهامواقف فالطلوع وفالطماني = والقلم راعيه مبصر والجهل شر البرية.
الزمان اللي يساوي الذيب الاشهب بالحصاني = اشتكوا منه الرجال اهل الشجاعه والحميه

كلمة الرجال تمضي كنها حد السناني=البشر ماهم سو والدين غير الجاهليه
وانت لو انشد عنها قلت هذا ماعناني=ماعليك من الرجال ولاعليك من القضيه