سلام الله عليكم يارجالا فالبلد حضار =اقوله من ضميري والله اللي يعلم الخافي
دخلت السوق واثر السوق مزحومن بهالتجار=وكلن فاللزوم اليا حضر يا اصحابنا يافي

هلابك عد نجمٍ فالسما ياصاحبي دوار=اقوله من حروفٍ بينات اللون ونظافي
محمد لادخلت السوق وقف وانتظر واختار=ولا تشري ولا تبتاع غير الزين والصافي

يدوم الك البقا ياللي ترحب والليال بكار=وخلاق البشر ستره علي كل البشر ضافي
تعلمني وانا دارى واعرف اللي لهم مقدار=ولو ان السنين التاليه كثرن الاصنافي

اجل هات العلوم اللي تجي فالذاكره تذكار=ومابيني وبينك لايجي معنى وينعافي
انا ماعلمك ياصاحبي حتى تشب النار=انا اعلمك لجل ان الحمول ثقال وخفافي