الهيـــــــــــــلا *** منتدى قبيلة عتيبة

عتيم المكان اللي تجره عيون الخـوف
زمانه زماني واخر احزانـه أحزانـي
لو اني ليا مني بغيت انتظر وأشـوف
أشوفه بكـل أوجـوه حالـه ويملانـي
جريح المكان ولا اعترتني عليه ظروف
لكني جريح وجرحي إغيـاب خلانـي
غريرٍ بلاني بالمحبه وشـب الجـوف
بنار انتظاره وانتظرتـه ومـا جانـي
دعيته بصوتٍ فسـره واحـدٍ ملقـوف
وغير معالـم نظرتـه لـي وسرانـي
نشدته بكل احباب قومه يجي ويـروف
بحالـي وعيـا لا يجـاوب وعنانـي
هذا حيلتي واللي تمر الغـلا وتطـوف
نساها وانا ما أنساه منهـا وينسانـي
هذا آنا وقلبي والسبب ناعم السرجوف
ياليته سمعني مـن لسانـي وبرانـي
لكن يا رياح الخوف لا تزرعين الخوف
وشيلي غرامه من خفوقـي ووجدانـي