الإهداء للأخ الغالي عبدالله الجذع لأنه حريص على متابعة جديدي وله كل الشكر

يامشغل ٍ غيرك بكثر الدعايه=شاعر وشوفوني مع الناس موجود
تاتقنع العالم بصح الروايه=ماتدري ان الكذب مالك منه فود
وصدقك من صفق على الدبك بايه=وجافيك منهم زود ونقصك من الزود
يامدور الشهره كسبـت الفوايـه=تجيبها تجميـع حامـد ومحمـود
اناوغيـري كاشفيـن الحكـايـه=لاتحسب ان الناس من حولك رقود
حطيت لك صوره بعـال البنايـه=كيان حلم الوهم اله وقت محـدود
ماله ثوابت وانشد اهـل الدرايـه=يبي يشوفه يوم راعيـه مهـدود
هذي ترا لهـل التصنـع نهايـه=والكذب ذنب وفيه عيبٍ ومنقـود
عند الرجال وناقص العرف تايـه=يبي يحصل شي من دون مجهـود
وبالمختصـر قـرار كلـن ورايـه=روح وسولف لك على لمت هنود

وسلامة الجميع

المشاركة الأصلية كتبت بواسطة عبدالرحمن الهيلوم (المشاركة 832357) زالله ملياااار نعم بالجذع وبك وصح السانك

والنعم بحالك

وصح بدنك

تحيتي

المشاركة الأصلية كتبت بواسطة ذيبان (المشاركة 834113) شاعرنا الكبير فهيد الرويس صح لسانك واعتلا شانك متابعين وننتظر الجديد دائماً كل الشكر والتقدير

الله يعلي قدرك

ياذيبان

وصح بدنك

لاهنت على التواجد الكريم

تقبل اطيب تحيه