الــــدار والـديـره
 

اخواني مرتادي هذا الصرح العظيم والغالي على قلوبنا

جميعاّ اسف لأنقطاعي عنكم فتره لضروف عمليه

وفي وقتها لم يطري علي نسيانكم فحبيت ان اضع

بين يديكم هذه الابيات المتواضعه لتحكموا فيها 0


[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يسقيك يادار (ن) لها العصر مريت "=" الديرة اللي نور عيني نزلها

دار (ن) لو ابديت اسمها بان مااخفيت "=" ألنها مشهورتن في نخلها

دارالحبيب اللي لوصله تمنيت "=" اللي عليه النفس قرب زولها

الله واكبر كم لجله تعنيت "=" ومكلف (ن) رجليّ عشان اصلها

وأليا وصلت البيت غصب (ن) تعديت "=" خوف (ن) عليه من جواسيس اهلها

أُوهي بعد تبي قبالي أليا جيت "=" لاكن منعها من وصولي خجلها

وازرت تقابلني وانا برضه ازريت "=" وباتت جهود العاشقين بفشلها

ان جيت بخطبها دخل فيه تصويت "=" وقالوا غريب الدار وين انت ولها

وان قلت احبه قالوا اذنبت واخطيت "=" ودخلت في سيرة طويل (ن) جدلها

وقل المعرفه شتت القلب تشتيت "=" والناس عيت تنتبه من جهلها
[/poet]

وسلامتكــــــــــــــــــــــــــم

المهلي مايولي

قصيده جميله

مشكور على

المشاركه الطيبه

وقل المعرفه شتـت القلـب تشتيـت"
000000000" والناس عيـت تنتبـه مـن جهلهـا


ابن موورق

قصيده رااائعه

لك كل التحيه

انتبه للاخطاء الاملائيه

مثل (ادر الحبيب اللي لوصله كـم تمنيـت)

الواضح ان كم دخلت عرض

تراك قايل ابيكم تحكمون فيها :)

تقبل تحيتي

اخوك ذيبان

الله لايجزى أهلها بالخير :)

صح لسانك وسلم بنانك...
قصيدة تجسد معنى الحب العذري النزيه ...
لاهنت وبيض الله وجهك...

عدلت الأخطاء الإملائية , عشان مايمتحنك ذيبان هههههههه



تحيااااااااااتي.

صح لسانك
 

قصيده جيده وممتازه

بيض الله وجهك

اخى خالد العصيمى

والاجمل هو حظورك لهذه الابيات وقرائتها

كم هو شرف لي ان تظع بصمه قلمك في متواضعتى

اخى واستاذي ذيبان

صح بدنك يالغالي ولاهنت

وبالنسبه للاخطاء الاملائيه فأنت استاذي ومعلمى

فلك الحق بأن ترشدنى وتعلمنى مايتوجب علي كتابته

اخى

كم هو شرف لي ان ارى قلمك في طيات صفحاتى يرشدنى

وينبهني بكل شىء فانا تلميذك

تقبل ارق التحايا واعذبها من احد تلاميذك

اخى وصل

صح لسانك ولاهنت يالغالي

وكمى تعلم من خلال الابيات هذه المعناه التى اعيشها

من جراء هذا الحب الذي لايخلو احدن منا من عوائقه

اما بالنسبه للاخطاء فأنتم اساتذتى الذين يعلموننى ويشردوننى

الى مثل هذه الامور فأنتم لكم باعكم وخبرتكم الطويله وانا اصف

نفسي بالمستجد او بمعنى اصح متذوق للشعر

اخى لك عظيم شكري وامتنانى لحظورك وتشريفك لمتواضعتى

اخى وعزيزى الشاحط

صح بدنك ولاهنت يالغالي

كم زاد سروري تشريف شخصكم صفحتى والاشاده بها

تقبل ارق التحايا واعذبها

ومن الحب ماقتل
 

الاخ ابن مورق
صح لسانك ولا هنت
بيض الله وجهك
وان شاء الله يتحقق لك المراد
وان بغيت الجاهيات انت في موقع الهيلا
ماهم مقصرين 0
ولكن المشكله اللي عندك يكسرون مجاديفك هههههه



تقبل حياتي وتقديري