انا غرب واللي خاطري ينتحي له شرق=بعيدن وطن مضنون عيني عن اوطاني
حصل في غروب الشمس بيني وبينه فرق=عسى الله يقرب دار من حبه اشقاني
أليا جاء لذيذ النوم يسرق عيوني سرق=ذكرته بعيد وعافت النوم الاعياني
الا يالله انك لا تعيد الحمام الورق =وراه يتلاحى بالطرب لين يشعاني
تهيضت يوم انه شعاني بحلو الطرق =من الولف اظنه جاين الورق ما جاني
من اريع سنين ومهجة الروح فيها حرق=نتيجة ندب عينن سهمها تمثناني
وساع العيون الساحريه طعنهن زرق =لها نظرتن من صابته طاح وجعاني
سقى الله أليا قام يتكاشف علي البرق =وانا اشوف زوله بين ربعي وخلاني
تفتح لعيني يوم اشوفه وساع الطرق=وانا قبل اشوفه مثل يعقوب عمياني
تهشم نظيره من هميل الدموع الزرق =وعمي لين جابوا له قميص ابنه الثاني

صح لسان ابو نايف
ولاهنت ياسلطان تقبل مروري .

صح لسان الشاعر عبدالله
وبيض الله وجهك ياسلطان دحيم على نقل هذه الرائعه.