سلام يالشاعر اللي قدمه الشعار ترتاع=وأحيان لأرتاعوا الشعار منه!!يروعونه
تبا تعدي على ضلع(ن) وراه و دونه سباع=وأنت لك عين(ن) وراه أقصى نظرها وعين دونه

يا مرحبا يا هلا بك و الصدور نظاف و وساع =مار الكلام انقده قبل النشاما ينقدونه
اللي يعرف الدروب إليا سرى فالليل ما ضاع=و إليا لقى صيدته فالدرب ما ترمش عيونه

ما ني بقاصر ذراع ولا أنت والله قاصر ذراع=ولاهوب أنا اللي من لسانه تعابيره تخونه
السوق بيع وشرى واللي يبا يشري ويبتاع=يعرف خراجه ولابد الذهب يلقى زبونه