الخيال اللي بروقه
 

الخيال اللي بروقه لها مده تلوح
ما منه مصلوح لو هل فوق الارض ماه
دام بيرقنا على الساريه فوق الصطوح
نحـــــــتميه ونفتخر به ولا نبغى سواه

اللي يجي حياه الله

ايه استلم

عزتي للي يبى الدر من ديد المسوح
ما تدر الا بعد ما يجيب اللي وراه
كيف نجم في سمانا ولا شفت اله ضوح
والله ليبطي ما احد شاف يا طيب سناه

واحدن لو شبت النار حدره ما يفوح
كيف جاء في موقع اللي يشد الانتباه
راح وقت اهل المحازم قويات الشبوح
جاك وقت اللي لقا شي غيره ما لقاه

استلم ياسلطان

الحسوفه يالسنافي على الغرو الذبوح
والحقيقه فيه بين الضديدين اشتباه
الجمل يا صاحبي لا هبود ولا رموح
ولو برك للحمل لو هو خفيف ما قواه

استلم وتشرفت بالعب معك وحان وقت الصلاه والجايات اكثر انشالله

كل رجالن بهالوقت اله شف وطموح
مير انا ما ارجي سوا اللي عباده في رجاه
الزمن قدم خشقجي على شيخ الطلوح
وشيخ طلحه لو يشين الزمن ياطا علاه