البارحة ياشعيب ياحيل ابا الحيل = العين عن نوم المخاليق فره
الى سلهمت ياكن فيها سماليل = والا النويفج لافها عقب ذره
من الهجس والهاجوس والعدل والميل = أسباب قالاتاً بلتني بشره
والى أقفت نجوم الليل مثل القناديل= وتبين المرزم ونثر المجره
قلطت محماساً وكفي خذت ميل = بريتاً من سوق صنعا مقره
ثم أنحرفت وجبت هدف المعاميل = سوداً شكن من واهج النار حره
الى جت تقاود بين رقط المعاميل = دولابها كنك بسلكٍ تجره
أخذت كأس السكر كثر ماقيل = ثلاثتاً والتتن نفتش مصره
وبديت مايكوي القلوب المغالليل = يطفي حرار الكبد لوبه مضره
غديت مثل مدوه الرجم بالليل = ذلول ضيفه ضيعته المغره