الهمس والقناديـــــل
 

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كان السهر غافي بهمس القناديل "=
ليلة غزاني صوتك اللي نسيته
وكان الهوى ورموشك اللي مضاليل "=
وشمٍ على حلو الليالي محيته
وكانت عيوني هاجسي والمواويل "=
باقي عتابٍ في ضلوعي طويته
حزين انا مثل الليالي المقابيل "=
لا طايلٍ حلمي ولاني جفيته
ياصاحبي لا تنشد الصبح عن ليل "=
ليل الغرام بطلعتك ماسريته
انا نسيت الشوق ما عاد بي حيل "=
غير اني امسح كل دمعٍ بكيته
صار الكلام وضحكتك والتعاليل "=
ذكرى قصيد وقلت عقبك سليته
لا تفتح عيوني تبوق المواصيل "=
روحي غدت يافلان حيه و ميته
وش جابك الليله مع لمعة سهيل "=
كانه حنين انا حنيني وطيته
هاك إسال دموعٍ عصتها المناديل "=
عن باقي عتابٍ حكى وما حكيته
ويا اخر جروح العمر ويا الغرابيل "=
عمر وتعدى وش تبي فيه جيته
صوتك غزا..وارتاب همس القناديل "=
ما هو جفا بس إني صوووتك نسيته


الشاعر
صالح الظفيري




[/poet]


-

قصيدة رائعه
تسلم اخوي خالد
يعطيك العافيه

الدهاسي

مشكور على مرورك المعتاد والغير

مستغرب من الدهاسي

لك أجمل تحاتي

تسلو يمناك
ياخالد على القصيد الجزل
تقبل تحياتي

((الدلبحي))

مشكور على مرورك الكريم

والغير مستغرب منك

تمنياتي لك بالتوفيق الدايم

اختيار موفق وجميل ..
صح لسانك ولسان الظفيري..


تحياااااااااتي

وصح بدنك ياوصل

تحياتي البعثره