تولم نبي نلحق عشيري يابـو علـي=
ترى من يطيع لبعض الاشوار ماعلا=
انا لـو يبيـن الـي مخفيـه لهلـي=
يبين الجفـا لـي لاسـلامٍ ولا هـلا =
جروح الهوا بالهون وشلون تنجلـي=
يطول الزمان وجرح شاكيه ماجـلا =
ونا من هوا سيد الرعابيـب مبتلـي=
اسما بحكم الصـد والهجـر مبتـلا =
بغيت التسلا ميـر منحـب ماسلـي=
هذا اليوم دور الحول و القلب ماسـلا =
ملا الدمع عيني يوم قالو رحل ملـي=
وصدري من العبرات والضيقه امتلا =
شديد البدو ماهوب للمشتقـي حلـي=
ونا من بعدهم ماعلا مقعـدي حـلا =
تنحوا بعيد بناقض القـرن الاشعلـي=
على شف وضحاً تشعف القلب وشعلا=
لا قر نق الوسـم فـي كـل منهلـي=
لها قبل ترعى جـدت القفـر منهـلا =
وله مع مقادمهـا مسيـرٍ ومنزلـي=
صحاصيح قفرٍ خاليه مالهـا نـزلا =

عناد القاف


ملا الدمع عيني يوم قالوا رحل ملي * وصدري من العبرات والضيق امتلا


صح لسان الشاعر وبيض الله وجهك على النقل الجميل

تحياتي