والا يالجوازي كان عندك سواليف =تهرج بعد ما تشرب الشاذلية
نبا قوة المعنى على حدة السيف=معاني تجي وتروح وهيه خفية

هلا هلا فيك يااباغيث

تزين السوالف لجل عين المواليف=ليا صارت الحزه تعدت عشيه
لكن المعاني تندفن فالمضاريف=ولاتعرف المغزى خديجه وميه

بعد زانت الطبخة وعود لي الكيف = أبا سج رجلي فالديار الغنية
وابا ابدي على روس الجبال المشاريف= جبال المحبة والعلوم الندية

يالو طالت الطرقه نعود مناكيف=ولاعنك نستغني يانجد العذيه
ترى الشعر بحر ماحسب للمغاريف=ولا فيه تثر الرياح العتيه

أنا من ثمان أسنين وأن قلتلي كيف=رماني زماني في حياض المنية
هجرني مليح الوجة روح ولا شيف = ولاكن أنا ظني يعود عليــــــــه

ليا غاب عن عينك جميل التواصيف=بليه عليك امن البلاوي بليه
ولكن لاتكثر عليه التحاسيف=وتصبح حياتك يالعتيبي هنيه

ولا كن في عيني خيالة كما الطيف=يراود عيوني فالضحى والمسية
ولوقلت ابا اصبر يانشاما وابا عيف = ابا أكذب على نفسي ونفسي شقية