سلام الله على الهيلا ملاذ الخايف المطرود = سلام(ن) لو يوزع في قبايل نجد يكفيها
نبا شاعر وله باع ٍ طويل ويفهم المقصود = وذا جاته بيوت الخصم يدري وش معانيها

هلا يا مرحبا والنار لا تقرب من البارود =تراحيب ٍ تعم المملكة واللي سكن فيها
وش اللي يطردك ومخوّفك يالشاعر المقرود = لكن أزبن وباق علومنا ربي يسوّيها !!

يدوم الك البقا وعداد ما هبت هبوب النود = تراحيبك عروق القلب يارجال ترويها
وانا مانيب خايف ياصحيبي والعباد شهود = وانا من عزوة(ن) لاجاتها العدوان تفنيها

أجل وش عزوتك قلي .. وفي أي الرجال تعود = على شان البواخر يا ولد تاصل موانيها !!
وأنا شفتك تعزوا في عتيبه والله المعبود = وقلت أكيد علة صابتك .. تبحث مداويها !!

وانا ياصاحبي لامن قضبت الاملح المحدود = تجيني ربعي الروقه من اولها لتاليها
واذا منه حصل فيه اشتباك حمود مع محمود = تجي فزعة عطاوي(ن) محد يقدر يقاويها