الهيـــــــــــــلا *** منتدى قبيلة عتيبة - مصــافحتــي الاولــى:الخــــطـــيـــه:

[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
مساكم الله بالخير جميع
اخواني واخواتي الاعضاء يشرفني ويسعدني
تواجدي بينكم واتمنى ان ينال كل مااقدمه
على رضاكم 00
0
0
بسم الله

عينك00 وخصرك 00ورمشك00 والقرون السرمديه=كيف اغلبك دام صرتو خمسةوانا لحالي

بس عطني من هدب عينك رماح وبندقيه=بعدها والله مايصفى من الخمسه اقبالي

ووعدك لعتق هدبك لوجه خلاق البريه=شرطي انه عن سموم القيظ يصبح لي اظلالي

احسبٍ بعدك عن عيوني مثل بعد الثريه=وكنت اقول الله ياقربك وياسهل الوصالي

اثرك ابعدمن سمى حلمي وانا يديني خليه=يابعد من ورثت دنياي من عــمٍ وخالـــي

والله اني ماخطيت ولا حصــل مني خطيــه=ولو خطيت اقطع لك اليمنى والحقها شمالي

خابـرٍ عقلــي رزين يــوم مريتي عليــه=ويوم قفيتي غديت ابلا فكر والعقل خالي

ينشدوني وين خلك قلت داره فووق قريه=والصحيح انك بقلبي مشغلٍ فكري وبالي

ليت قربك ماهو قرب الدار واقرب لي شويه=والا اقول احسن اوضح لك مع ضرب المثالي

مثل عمي فلان يصير ابوك وانتي له بنيه=كان والله ماغديتي لي مثل حلمٍ محالي

مرةٍ جيتي وقلتي وش كتبت اليوم فيــه=وقمت اقول اللي كتبته فيك يابدر الليالي

وقلتي ياحلو القصيده عيدها بالله ليه=واصلاً انتي لو طلبتي الروح جاتك دون مالي

لاتقول عطني اغلا شي عندك لي هديه=غاليــه انتي ولاكــن أطلبك صعــبٍ وغالي

دام اغلا شي في هالكون انتي ياغبيه=كيف انا بهديك نفسك ماتجي لو في الخيالي

شــف على كثر الغلا كلٍ تبرى من خويـه=وأنت لاهالحين الاول بالغلا ولازلت تالــي

وأنت ماتلحق جزايه لو تسوي بي كذيه=يعني لو تشيلني من فوق كفك بالعدالي

كل ماجاب العرب طاريك قمت افرك يديه=يوم اشوفك حــظ غيري وحلم والله مايطالي

حالــفٍ ماتوب عن حبـك لونك منت ليــه=لو تجيبــي بنت في عمري ماجنبت عنك حالي

[/poet]