يالجذع سلطان وشلون من عقب الطلاق = حلت الك الطالقه من قبل تحليلها.
بعد عدتها انتهت وانته اخذت الصداق = والشرع حكمه ماحلّل عليك احبيلها

أبك انا في حبها رايحٍ قلبي حراق = قسمة جتني وانا زمان أخيلها
الهوى والغي معها موثقني وثاق = والبنيّه صافية لي وانا صافي لها

انت قسمك دايمآ فالجلال وفالدقاق = خل عنك الفاضيه ماني ابفاضيلها
وش تسوي لاصبح الحق في حلقك خناق = مامعك حيله تنجيك من تأويلها

سالفة ومخالفة ,, خارج حدود النطاق = مثل مانزلتها يالعصيمي شيلها
المزون الاوله وبلها ماهو حقاق = والمزون التاليه غرّقتك بسيلها