وخزام صدر له مراسيم واقرار = واهل الفعول الناقصات احتقرها
ماياخذ الفنجال من بن وبهار = الا بفعل تعترف به جبرها

عزوتي يا الاد منعر مسندي = صلب جدي فزعتي في كل حال
اكسبو قولة نعم للأبدي = والهم البيضا على روس الطوال
ربعي الظفران والهم تشهدي = ماضي الايام مع سود الليال
مامشت مع خيلهم خيل الردي = ذا كلام الصدق مايبغى سؤال

دغالبه وان كان يبسا ً الأرياق = عدونا يصبح من العقل خالي
وان صاح صياح الضحى بعد الاشراق = نقدم على الموت الحمر ما نبالي
افعالهم ما هي تماثيل و الفاق = يشهد لنا التاريخ في كل حالي
وانجردوا بأيمانهم كل براق = عوق الخصيم ان كان بث المجالي

سلام يا ربعي وياتاج راسي = اليا انفتح باب الفخر والبطولات
في مدحكم تزهى جميع القصايد = ياكاسبين الطيب واهل المروات
آلاد منعر نجدت اللي نخاكم = فزعاتكم تشف الكبود العليلات

آلاد منعر عزوتي يا المنابيه = هي فزعة المضيوم شرق ٍ وشامي
تشهد لها نجد العذيه بتاليه = ويشهد لها سيف ٍ فعوله تمامي
دغيلبي يا حي اسمه وطاريه = اسم ظهر من قوته فالاسامي
ياما وياما من علوم تباريه = العز والنوماس الحظ قامي
بقيادة اللي ما يحسب مساعيه = خير على ربعه سواة الغمامي
خزام يا شيخ وفعله يبديه = يا مخلي روس الطويلة عدامي
ابن الرعوجي يالله انك تحييه = معرب الجدين خال وعمامي
له سطوة ٍ يوم القبايل توليه = عصر مضى له بين عام وعامي

وآلاد منعر كلهم درع و حزام = عيال عمي كاسبين الجزيلة
يومنها بالزان والدرع و حسام = وكلن على العدوان صاعه يكيله
منزحت عن نجد دقلات الاخصام = يقولها فراج هذا دليله
وحنا هل البيرق ليا رزت اعلام = يوم الرغامه والمواقف جليله

آلاد منعر لا قنب ذيب المنايا واقترب = سم الكبود ومن يعاندها تقوم وتلطمه
في ظلهم ترعى الجهام ودونها ثني الركب = ترعى بأمان من الحجاز إليا سنام المردمه
ويوم القبايل سلمت غالي قلايعها بأدب = حنا عصينا الأمر وحبال المعاند نبرمه
عيا عليها اللي يسوق أطول شنب وأطلق شنب = شيخ ٍ على صرح المعالي بالفعل رز اعلمه
اخزام اخو نوره خزام مطوع كل الصعب = ايو الله خزام الخشوم وسعد من هو محزمه
اليا نواها ساقها بمشوك نار و لهب = فيه الشجاعه تطبخ من حد راسه لقدمه

من لابة ٍ لي من ذراها ضلالي = آلاد منعر لا جرى بالدهر ضيق
تشيل حمل ٍ رازي ٍ ما يشالي = او تثبت ثباتا ً كنها قمة طويق
تاريخها فالمجد بأول و تالي = ومثبت ٍ لا خالط الهرج تلفيق
لها على صلب الجزيرة مفالي = وسط الفياض اللي زهرها دوانيق

بني منعر حزامي في نهار الماقف المشنوم = حياض الموت تاردها وداع الحرب ما تخشاه
على صفحة وفا تاريخنا بأغلى ذهب مختوم = تروم أمجادها بسيف الاملاح والردى تجفاه
كريمين ٍ عن الهزلات والميلات فيها شوم = تحب المذهب الطيب وساس الذل ما ترضاه
إذا حمي الوطيس وثار في الميدان عج القوم = وصاح الصايح اللي ساق عمره والعجاج أعماه
تعزووا فوق قبا ً تودع أجموع الخصوم أقسوم = تقول انها من الكاس المحرم روسها مسقاه

ادغيلبي معروف بين الرياجيل = الطيب عمه والمراجل خواله
اصل وفصل حر ٍ على العز رابي = انفه وعزه وابتسامة اصاله
طيب وكرم وافعال خير و تواضع = فزعه ووقفه والتزام ونباله
نظرة شموخ وهرجة ما تثنى = قول وفعل وابيات شعر وجزاله

حنا هل الفزعات والوقفات فأيام الطراد = يومنها بالسيف والبارود والموت الحمر
آلاد منعر متعبة شوس الأعادي والجياد = إي والله اذكر فعل ربعي واتباها وافتخر

آلاد منعر يا الغداة المشاكيل = ياعزوتي من ضيم هاك النهارا
يأهل الفعول البانيه دون تضليل = يأهل الكرم والطيب وأهل الوقارا
فزاعة المكروب ذباحة الحيل = عز الصحيب وللمعادين نارا
إليا دعوا ياتون من دون تأجيل = ياحي وقفات الرجال الحرارا

بقيادة اللي للصعيبات وراد = خيال قب الخيل راع المرادي
اخزام ضداد العداء سم الاكباد = لا جاء نهار ٍ فيه صبح وهجادي

آلاد منعر عزوتي يا ربعي = آلاد منعر ياهل الافعالي
آلاد منعر محتمين الهيه = غصب ٍ على العدوان والأنذالي
يشوش راسي لا ذكرت الأول = ويشوش راسي لا ذكرت التالي
آلاد منعر يا عصابة راسي = أهل القنا وأهل المقام العالي

تحت راية اخزام الـي افعولـه = شهيره لامتطى فـوق العبيـه
اخزام الخيل حمـاٌي السرايـا = سمـي المجـد لاقلنـا سميـه
يكفي قـول فـراج الدماسـي = بعـد غنٌـا البيـوت العالميـه
ولاياخزام قربك سعـد عينـي = وبعـدك خابـره كـرهٍ عليـه

يالادمنعـر كاسبيـن الاولــى = من فعلكم سرد الخيول اتعيبـه
الاد منعـر عزوتـي وحزامـي = ماضاعت لهم فالزمـان اذهيبـه
ماض الزمن ولاالزمان الحاضر = الكيـل دايـم فالقـا توفيـبـه

آلاد منعر حزامي ساعة الثوره = العزوه اللي عطيبات ٍ مضاربها

الاد منعر محتمين المطاليب=سقم المعادي يوم صولات الافراس
اهل الرمك واهل السيوف المخاضيب=واهل البيوت اللي بنوها على ساس
ماشيدوها بأذن والا بتجنيب=منزالهم يصعب على ساير الناس
يوم المغازي وانتهاك الرعابيب=وكلن من الذله دخل فيه وسواس
ربعي بني منعر سهوم المحاريب=كم غارتن جتهم وردت بالافلاس
وكم غارتن منهم لفت بالمكاسيب=اخذت ضحى والشاهد الرمح والطاس
سعد الذي صكت عليه المكاليب=وسقم الذي يطمع وياتيك لحاس
افعالهم شاخت على الشمخ النيب=كم نزلت راسن وكم طولت راس
ربعي وابا امدحهم ولابه عذاريب=ومدح القبيله عند الاجواد نوماس