قادح شرار أستاجر مدرس خصوصي بالفلوس=ايدرسه فالنحو والتاريخ والجغرافيه!!
امدرس ٍ مصري ولا هو فاهمٍ نص الدروس=جايك يبى الحج.. رأسه مصلَّع ورجله حافيه!!

قادح شرار يذاكر دروسه بنفسه يا طعوس = ناجح وأحمد الله وحامي يا رجل ميقافيه
الموتر اللي في طريق السيل يا خالي يحوس = ماني براكب فيه .. والنيه تراها صافيه

المشاركة الأصلية كتبت بواسطة شاعر الحفاه (المشاركة 819052) هههههههههههههههههههههههه صح لسانك ياذيب الليل ياقادح شرار

المشاركة الأصلية كتبت بواسطة النشمي (المشاركة 819087) الله يحط حيلهم بينهم جايك مصلع ياقادح وش تقول ههههههه

يالعاشق اللّي ماذبحك الاَّ غرام العيطموس=ترى الهوى نصّه مرض..والنُصّ الاخر عافيه!!
وأنته بنص النص الأول دوس والاّ لا تدوس=بينك وبين العافيه ..تسعين كيلو وافيه!!

لبستها الدبلة ورحت البيت يوم أنتم جلوس = ما شفتني يمكن عشان اللمبه اللي طافيه !!
وإن عودت تقسيم وين أنته عن أصحاب الكوؤس = جهودكم فالدوري الممتاز ماهي كافيه

أنته تحلم بالزواج ولا أنت لاقي لك عروس=تقدح بزندك مير نار الزند ماتنشافيه!!
لا بالله الاّ الروس تبقى ياوسيع العرف روس=مير أنت خلّك حارس المرمى ..وأنا الهدافيه!!