امجار ياشيخ الكرم والمروات=امجار ياشيخ الحمول الثقيله
امجار ياشيخن رقيت الطويلات=امجار بأعداد الليال الطويله
امجار ياشيخ تحل الصعيبات=امجار ثم امجار في كل ليله
امجار من خلاق سبع السماوات=ربن يعل الأودية والمسيله
أبدعي الله يأجرك كل الأوقات=وأقول يالله بالمثوبه تكيله
ياعالم بالبينه والخفيات=يامنزل محمد لهدي الفضيله
حيثه يروم الطايله والمنيفات=وله حكمة وراين يشرف قبيله
شيخ تشيخ بالفعول السمينات=يوم الرجال اللي سواته قليله
انا اشهد انه نادرن بالسياسات=اللي تحل المعضلات المهيله
سياسته حازت على النعم بإثبات=وبالطيب فعل أهل الرديه يزيله
أبو فهد راع السلوم النقيات=زكاه فعله دون قوله وقيله
له جاهةن مثل المزون المخيلات=اللي إليا هلت تزيل النثيله
وله فكر زيزومن على الطايله بات=فكرن يسطر له فعولن جليله
محمد ولد زايد على كل الأوقات=كل العلوم الغانمه تستويله
يالله تغفر اذنوب شيخ المهمات=وتجعل امعاناته ثوابن يجيله
أسألك ياربن عظيم البركات=ربن تحب العفو عفوك نخيله