برد وسموم وجوع و.؟ومصافحه اولى
[poet font="Simplified Arabic,4,black,normal,normal" bkcolor="transparent" bkimage="backgrounds/12.gif" border="inset,4,gray" type=2 line=200% align=center use=ex length=0 char="" num="0,black" filter=""]
الاخوان الاعزاء في منتدى عتيبه الهيلا السلام عليكم ورحمة الله وبركاته مشاركه معكم اتمنى ان تحوز شيء من رضاكم عنها. ودي على زين البحور وقصيـدها =والحظ يخطي في البيوت ويصيدها اومي لها ليا جات بمذهب القـلم =على الورق تشتاق عيني جديدها تمر قدمي مثل ماجـايـل الظبـا =واختار منها ليا تبين قويــدها اخذ الرسالـه يـانديبي وظمهـا =ظم العشيق لعشقةٍ لـه يريدها ملفاك رجل ليا اختلفنا نعودلـه =ابو المكارم والمعـارف وسيدها قله على الحد احتزمنا على النقـاء =في واجب الدوله وحنا عبيـدها مر علينـا يرخـي الحبل حالنا =ومـر تورينـا الليـالي شديدها مرٍ على بـرد الليالي وجوعهـا =ومرٍ على لفح السموم ووقيدها نسمع من المادح كلامـا يسرنـا =وكلام لو جـاء للرواسي يبيدها تركض مع ركاب الخلايق ركابنا =الين ينهي من توكل بقيدهــا وليا انتهى ماعاد ينفع شرابـهـا =تموت واللي تهتـويـه بوريدها ناسٍ ليا جاتك على الطيب والوفاء =مثل البنوك اللي يتزايد رصيدها تلقاك في العليا وتدفعـك للعـلا =يومٍ تجيك بخير هو يـوم عيدها وناسٍ ليا جاتك تعـاف وتملـها =فيـدة ردى في كف حيٍ يفيدها ان زانت الدنيـا تمـالح بخـدها =وان شانت اخفت لوتقبح خديدها ما احدٍ من الدنيا مقفي بحاجتـه =كم من مقفي بحاجةٍ ما يريـدها اخوكم: مقبل العصيمي [/poet] |
كفو يالقرم...
صح لسانك.. مصافحة أكثر من رائعة ... وقدوم يبشّر ومبهّج ... نتمنى إستمرار هطول إبداعك.. تحيااااااااااتي |
اخي العزيز/ وصل العطياني
صح بدنك طال عمرك وحضورك وقراءة القصيده هو الاجمل لاهنت يالقرم تحياتي وصادق ودي اخوك: مقبل بن ذعار العصيمي |
مقبل العصيمي
صح لساااااانك ولا هنت قصيده رااائعه ومصافحه اروع اولى وغطت على الجميع نتمنى المزييد لك كل التحيه اخوك ذيبان |
مقبل العصيمي
مرحبا بحظور كحظورك ومرحبا بمصافحه كمصافحتك ومرحبا بك يالقررررم ارررررحب صح السانك كلمات جميله من لسان صادق وتحياتي لك |
ذيبان
صح بدنك مرورك هو الاروع الله لايهينك يالقرم كل التحايا والتقدير اخوك: مقبل العتيبي |
فلاح المورقي
صح بدنك وترحيبي بك اكثر شرفتني بمرورك العطر لاهنت صادق ودي وتقديري اخوك: مقبل العتيبي |
وافيه وكافيه
بيض الله وجهك يابن ذعار لك خالص تحياتي |
خالدالعصيمي
ووجهك ابيض طال عمرك الف شكر لمرورك العذب لاعدمتك كل التحايا والتقدير اخوك: مقبل العتيبي |
السلام عليكم ورحمة الله وبركاته
الأخ / مقبل العصيمي
صح لسانك ولا هنت مصافحة من رجل حكيم معبرا عن تجربه واقعيه وحكمة بليغه0 لله درك على ماقدمت لنا من مصافحة 0 تقبل تحياتي وتقديري اخوك ك 0 ف 0 السيحاني |
الساعة الآن »12:49 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd