لله درك يابيض الوجه ياسعود=وقفّت فالراحه جميع القعودي
مثلج صدور اللي ورا الشاشه قعود=شرواك يابن العم فخرالسعودي
سجلت نوماسَ للشهاد مشهود=محسوب للهيلا كعام الضدودي
نوادر بيوتك على ابداعك شهود=تشفي كبود وسقم بعض الكبودي
مثل الخيال الي تقصف به رعود=زلزال رعّاده يصحي الرقودي
كن البرد من مزنته صفق عبرود=منه الجماجم صابهنه جمودي
تدرج نظرها بس وحجاج معقود=تحكي عن الذله عيون الشرودي
مايدري انه صاحب النقد منقود=الشعر له حراس مثل الجنودي
مايقبلون النقص في الاصل والزود=والنقد اله حسب الظوابط بنودي
مهوب كرسي دونه الوح ممدود=ومن جا مشخص قام فوقه يدودي
يبشر بمثل سعود في ماقف سعود=معاد دون الحلق غير العضودي
ومدام مثلك يابيض الوجه موجود=ياسعود عن شعر الاصاله يذودي
ومن المداد الك الشكر غير معدود=لاهنت والله ياعريب الجدودي

المشاركة الأصلية كتبت بواسطة طلال الهبيشي العالي (المشاركة 816147) صح لساااااااااااااااانك وأجيز هذه القصيده الجززززززززززززززززله وفاااالك المليوووون عفوأ الملايين ياااشاعر الهيلاااااااااااا

صح بدنك

ياطلال

لاهنت على التواجد

تحيتي وتقديري

المشاركة الأصلية كتبت بواسطة عبدالله الجـــذع (المشاركة 816466) فهيد صح لسانك وبارك الله فيك اي بالله يستاهل سعود كل علم غانم وتستاهل انت الطيب يالغالي ابداع ليس بجديد ولامستغرب منك يالامير لاهنت لاهنت وانا بالذات انتظر جديدك محبك ,

انت بذات ياعبدالله

تشرفني متابعتك لاهنت

وسعود يستاهل مافيه شك

وصح بدنك يالغالي

تقبل اطيب تحيه واعز تقدير