يطول ليل الشتاء يربعنا ليله سراميد=وانا هجوسي يقلبني على جمر المليله
وين انت يشاعر الي تطوي الامتار والبيد=مضاع رجل(ن) معه بين العرب حيل(ن)وحيله

ياضيف وين السلام وين عادات الاجاويد = من بعد ماجيتنا ياضيف في ظهر الاصيله
جيتك وانا الشاعر البيطار واخذ العلم تاكيد = والقاف يادوب لعبه زان والطرقه طويله

انته قريب يراع العرف منته عني ابعيد=اعطيك علمي وانا خابرك فلغدرا دليله
اسرج حصانك وحددله قياس الارض تحديد=وقله ترا الغزو مابين القبيله والقبيله

انا حصاني عزوم ويطربه صوت البواريد = يوم ان بعض العرب والله مدري وش حصيله
نبا اختصار الكلام المعتبر من غير تقصيد = والكايده حلها عندي ترى باهون وسيله

يلي تسوق الجمل واثر الجمل مقيود بلقيد=خابرك قدمي تشوف البرق ماتقدر تخيله
اعطيك موجز كلام وسند الاخبارتسنيد=ماني بمثل الذي حظه مقابل للحليله

البرق اشوفه يلوح وجا لبراقه تماديد = لكن بيتك ياليتك ماتحطه بالمسيله
انته تحاول تصيد العلم لكن فاتك الصيد = واسمع ترى عن كثير الهرج يكفيكم قليله