يوم صار المال بيدين البخالي =يفصدون العرق لو هو باليميني
آه وا ويلاه من حق الرجالي =لا طلبها في سنين مدهريني
ما جمعنا المال حب للريالي =لو نجوع ليا تعشا من يجيني
يالله الستار تستر لي حوالي =عن وجيه ما تعذر في سنيني
جعل مال ما تجمل بالرجالي =للزوال يزيلها ربي عويني

عسى الغنم يا كله ذيبي =يا عل مالي ولا شاتي
وأسرح بليا معازيبي =وأمشي على غير مشهاتي
حفي القدم بالمراقيبي =ماطا الرجل وسطها ماتي
كل الهبايب توميبي =يالله تستر من الواتي
يا لله على الربع تلويبي =وأحط كبشه على الشاتي

عديت أنا راس النبا يا نديبي =وعزي لمن مثلي تعذب بمرقاه
عديت به من فوق رجل وعسيبي =والثانية رجلي عن القاع نرفاه
عديت في راسه صياح وطنيبي =وانخا هلا الردات وأهل الحمياه
ليتك حوالي يا عمرو يوم أعيبي =ليتك حوالي تنهض الراس وغطاه
يا راكب حمرا تقل وصف ذيبي =حمرا من الزعرات يا حلو ممشاه
تشدا حمام فر مله جذيبي =ركابها عجل من الضيم ينخاه
العصر تبرك في مناخ العتيبي =تلفي لعمرو في علوم وسلاماه
سلم على عمرو وعيد قريبي =وسلم على اللي حولهم بالقراباه

يا رسل دن اللي تود الغريبي =منوة غريب ضارم درب مضماه
حمرا طواه القفل مثل العسيبي =يطربك مرواح إلها عن مضحاه
وشلون رجلك واعساها تطيبي =هذا سبب ذنب وكفر خطاياه
طبه صخيف الوسط زينه عجيبي= اشفق على اللي ود عينك بلاماه
احرص عليها لا تطيع الخطيبي =احرص على اللي يبري الجرح شوفاه
تشكي هوى حب الجميل اللبيبي =وأنا بعد مثلك من الحب بشكاه
وانا معك في كل درب صعيبي =لرضاك نمشي نبذل المال والجاه
ويا عل رجلك بأمر ربي تطيبي =وتبقى على طول الليالي معافاه
ولو يجتمع من مشرقه للمغيبي =ما يدبرون أمر سوا الله يجلاه

راع القصيفه عمر يا حمود =نعم إليا حل طارييه
لاجيت بابه منا مردود =فنجال بن وصينيه
له مشرع دايم مارود =ولا حسب الورد بيديه
الطيب من ماكره موجود =وكر القرانيس قطعيه
يا كود تلقط على المعدود =والبير ترداه طرقيه
تصدر ورود وتجي ورود =ويحمس لهم بن بريه
والنار ورث لها بالعود =لابد تلقونها حيه
حزمت خطب وزنهن مرجود =ورسلانها دوم مركيه
بالمقبله شلعه يا حمود =بالمقبله تشلع يديه
شوفي بعيني ما هو تردود =راع القصيفه عمل ليه

ما جمعنا المال حـب للريالـي=لو نجوع ليا تعشا من يجينـي
يالله الستار تستر لي حوالـي=عن وجيه ما تعذر في سنينـي
جعل مال ما تجمـل بالرجالـي=للزوال يزيلها ربـي عوينـي