لله درك يابيض الوجه ياسعود=وقفّت فالراحه جميع القعودي
مثلج صدور اللي ورا الشاشه قعود=شراوك يابن العم فخرالسعودي
سجلت نوماسَ للشهاد مشهود=محسوب للهيلا كعام الضدودي
نوادر بيوتك على ابداعك شهود=تشفي كبود وسقم بعض الكبودي
مثل الخيال الي تقصف به رعود=زلزال رعّاده يصحي الرقودي
كن البرد من مزنته صفق عبرود=منه الجماجم صابهنه جمودي
تدرج نظرها بس وحجاج معقود=تحكي عن الذله عيون الشرودي
مايدري انه صاحب النقد منقود=الشعر له حراس مثل الجنودي
مايقبلون النقص في الاصل والزود=والنقد اله حسب الظوابط بنودي
مهوب كرسي دونه الوح مدود=ومن جا مشخص قام فوقه يدودي
يبشر بمثل سعود في ماقف سعود=معاد دون الحلق غير العضودي
ومدام مثلك يابيض الوجه موجود=ياسعود عن شعر الاصاله يذودي
ومن المداد الك الشكر غير معدود=لاهنت والله ياعريب الجدودي

مثلج صدور اللي ورا الشاشه قعود=شراوك يابن العـم فخرالسعـودي

صحت ابدانكم جميع

لاهنتو على التواجد

اطيب تحيه واعز تقدير للجميع