سلام تسيلمةٍ معها الكلام الزين ينقاد = مضمونها يبهج الشاعر ويضحك له حجاجه!!
ياناصر المرشدي صدفة وأخير من ألف ميعاد = أنته وانا ياوسيع المعرفة دوب نتواجه !!

ياللي على راحلة عرف العرب لك خرج وشداد=يامرحبا من ضميرِ تو ماعدل مزاجه
الساعه اللي تجيب الطيبين افراح واعياد=يوثق الرجل فيها العرف وتزيد ابتهاجه

قدامك ألنا على عد الروى مصدر وميراد = وشعارنا ( ياقراح الماء تكفي عن هماجه )
بيني وبينك مثل مابين حضن وسور بغداد = ورغم المسافة لنا في طيبين العرف حاجه

انا اشهد انك على وضح النقاء ماعنك نشاد=وانا شعاري(بعقل وعرف من ناجاك ناجه)
لابارك الله في رجلِ يخون الملح والزاد=تعرف خراجك وابو تركي معك يعرف خراجه