عسا الله يرد لديرة المملكة سلطان=ويسلم من أعراض الصواديف والسيه
أنا يوم اغني فا البطل فارس الفرسان=ولي العهد في مملكتنا السعودية
تجاوب معي في نظم طاروقه الألحان= وتنقاد لي مثل السلوك الحريرية
وتصطف صفت خيلٍ مجوده بعنان=تزاحم تبا الميدان هاذي وهاذيه
وأنا اختار منها ما يناسب بعرض اللسان=كما الورد يقطف من وروده زواهيه
الياء قلت بيت الشعر جاء بالفم المليان=توارد عواص الشعر غصبٍ وجبريه
ورى ما تجيلي طوع والمدح في سلطان=وانا ماخذٍ معها مواثيق رسميه
الا يا بطل نجد المسمى رفيع الشان=بعيد الهقاوي ما تغير هقاويه
ابي شوفتك والشعب لمشاهدك ولهان=أناظرك بعيوني وصافحك بيديه
لحيثك زبون الحرد ومرجح الميزان=مبعد مراميس العداء محتم الهيه
مواقفك ما تجهل اللياقيل كان وكان=ويمناك في بذل العطايا رهاويه
مواقف فريده ما تغير مع الأزمان=أقوله ولا يخفي على الناس مخفيه
ولد من حكم بالعدل والطيب والعرفان=معزي الياء عدت فعول الشقرديه
موحد وطن شبه الجزيرة مع الأوطان=بحكم الشريعة ما تحيز لحزبيه
على سنه المنذر وبهداية الرحمن=كتب فالعلم لفظ الجلاله علانيه
ورفرف علمها فوق روضاً كما البستان=إيداعب هبوب الريح شرقي وغربيه
ولكنها كانت صحاري ولا وديان=شملها التطور والأمن والرفاهيه
وعم الوطن في ظل حكامها العمران=تطور حضاري والمعالم حضاريه
ولا أنسى فضل عبدالله ونايف وسلمان=لشك اذكر الغايب بصوره حضوريه
ألا يالله أني طالبك رحمتك وإحسان=تشاف المريض اللي فرحله علاجيه