الهيـــــــــــــلا *** منتدى قبيلة عتيبة - في مـــدح شــريـكـة الـحـــياة

السلام عليكم ورحمة الله وبركاته

في مدح شريكة الحياة

هذا أحد الشعراء المعاصرين والموجودين أسمه عبدالعزيز بن صالح بن مقبل. من اهل { قصور المقبل} من ضواحي ضرما. رجال حبيب وظريف وخفيف الظل ودمث الأخلاق يعني كل علم طيب متوفره فيه من أسرة طيبه كان من أول
طراد صيد وشاعر بليغ وكبر سنه ونظره إلين صار نظره ضعيف بالحيل بينه وبين الشاعر عبد الله السياري مبدعات وقصايد وردود لكن هذه من الطرائف أبيات قالها هو في مجلس حول بيته يقعدون فيه في هالعاير هذا مجلس ( مشراق).
يجلسون فيه إلين يحين وقت صلاة الظهر او قبلها بشوي إلي الساعه 11 صباحاً. وبعدها يتفرقون كلاً يروح لبيته .عاد أهو كبير سن يالله يمشي يأخذ عصاه ويباري للجدار يالله ياصل بيته. يعني يالله أنه يدل وفي مرة من المراة توافق طلعته طلووع المدارس عاد يعلقوون عليه ربعه يقولون: لا يا أبو صالح أنت تدعي إنك ماتشوف وهذا وأنت تشوف وتبرق إلي منهن مرنك بنات المدارس وتعرفهن اللي فيهن جميله واللي خفيف { رشيقه} يحبون يعلقون عليه.عاد أهو شال في خاطره عليهم يوم يعلقون عليه. ويقول: أنا مالي نظر في أمور الغزل وأنا وصلت هالسن يالله حسن الخاتمه. ويقول للي يعذل عليه هذه الأبيات..:..

ياعـاذلي جعلك تسوى سواتي...عساك ما ترجع على البيت لاأقفيت

مالي هوى في مترفات البناتي...ولاتحسبني في هـواهـن تشقويت

لو جـن يمي وأقبلن زفـلاتي...صديت عنهن بالنـظـر ثم قـفـيت

الله يخلي لي شريكة حياتي...هي قرة عيوني وهي شمعة البيت

===

زوجته مايبي غيرها شئ., حتي الحقيقة عقب ما نتشرت هالأبيات هذي الأربعه ودروا عنها الجيران واللي في السوق. أهو ماعلم بها أهله., درت هي سمعت الأبيات من الجيران وقالوا لها أثرك ماشاء الله عليك غالية عن أبو صالح., ها حست وصار لها نشوة هالأبيات ورفعت من معنوياتها أتجاه أبو صالح
وأصبحت تكرمه وتعطره بالعطور من دهن وبخور كل ماجاء يخرج وتحتفي به من كل ناحيه.,

هذا نموذج لموضوع الغزل أو موضوع العشره وغلا الزوجه.

عن الراويه الشرهان...... تحياتي لكم