الشعر يالقرم قدمك صف طابوره=يانسل قوماً معربةً مناسبها
قوماً على الطايلة بالصيت مشهورة=ذخر القبيلة وسم اللي يحاربها
بندر مقر الفخر منحوت في سطوره=قولة نعم نقشها بخطوط كاتبها
ماجور يانسل قوماً دوم ماجورة=ماهيب من شرها في ادنى قرايبها
اكبودهم للعدا فالضيق ممرورة=أهل الفعايل ليا شبت شبايبها
ولا رخوم العرب تعرف ومكبورة=أهل الضعافة قريباتاً حضايبها
ياللي كتبت الشعر من نهج دستوره=طوعت شرده عسافه وأنت راكبها
يامل قلباً حنينه لج في قصوره=نار القوافي توقد به لهايبها
من هاجساً عام موج الشعر وبحوره=مدمن جفول القوافي في ترايبها
يقطف من أعماق دره كل مغروره=اسيوفها ماسكاً سلة مقاضبها
أهلاً هلا من هجوساً منك مسرورة=ياللي فناجيل سبك القاف شاربها
طبيت سوق الغلا وأخترت في حوره=من جم بيراً تصافق لك مشاربها
الشعر قدمك ذلوله غدر منحورة=شهب الحقايق شكت لك من ضرايبها
صفحاتها البيض مطموسة ومقبورة=مابين مغتالها ضاعت وناهبها
على مداهيلها جرتك ماثوره= يومن بعض العرب تشرب غبايبها
ياماخذ الأصل من نهجك نبا صورة=على شواطي بحورك من قواربها
ساحل خيالك حدوده منك محظوره=ماطبها شاعراً قدمك وجاك أبها
ياراكب اللي وصوفي فيه مجبورة=أله القوافي شكت مني غرايبها
جميح كن يعوي سرحان في سيوره=اللي صواب العطب رجليه قاضبها
يقنب بعال الطويل اللي زبن قوره=هبت عليه الشمالية هبايبها
يلحس صوابه ذراعه منه مكسورة=ياطا عليه الثلاث ولا ينير أبها
جمساً يشوقك ياراع الصنف منظوره=مركب هل الطيب حيث أنه يلوقبها
اكس فور توه مصدر رسم فاتوره=أصفار ماقد مشى ميله ودار أبها
أبيض عليه القلوب السود مقهورة=اللي تنومس ماعدت من كسايبها
منه الشياطين مخذولة ومدحورة=أشباههم لاركبته لاتمر أبها
منصاك بيتاً بطيبه تشهد حضوره=بيت الشماريخ لاضاقت مناكبها
عده عن اللي يعشي الضيف شابورة=جعله فدا من ذلول الطيب متعبها
خبلاً مايصحى لعقله ميت شعوره=درب المراجل من جدوده مجنبها
يمناه مع طايلين الباع مقصورة=لاشاً مباديه حايرتن جلايبها
طايل ذراعه زهيد المد مبتورة=ماكره بوماً يلالي في خرايبها
تحشم عنه يامعشي جايع صقوره=ياريف من جتك طفاحاً جنايبها
تمت ومسك الختام ورود منثورة= ياللي بديت الجزالة وانتهيت أبها

صح لسان الشاعر المبدع / تركي بن نايف بن ذعار القبع

وبيض الله وجهك و وجهه

صوت و صدى في قمة الجزاله والإبداع

تميزت في بدئها وتميز أبونايف في ختمها

واسمح لي اطرح بعض أبيات هذا الشاعر المبدع

في الأمير الراحل الفارس الأسطوره / خزام المهري " درع عتيبه "


يقول الشاعر تركي :





ويقول أيضا ً :





ويقول أيضا ً :







والله لا يهينك يا عصابة راسي على ما طرحت لنا من إبداع

واثريت منتديات الهيلا به

وبنتظار جديدك

ودمت بخير