سلام الله عليكم يارجال العرف ياعتبان =سلام اهل القلوب الصافيه والنيه والنيه
يقوم الشاعر اللي للمعاني يفتح البيبان = نبي نعطيه كلمه خافيه والنيه النيه

هلا يامرحبا باللي حضر من عزوت الويلان=تراحيب(ن)تردد وافيه والنيه النيه
ليامنا حضرنا ياابن وايل نرضي الزعلان=هات الخبر واظفر بالعافيه والنيه النيه

عسى فيك البقا ياطيب ماتكره الضيفان= فداك اهل القلوب الغافيه والنيه النيه
ترى بعض العرب ودك لو الله ماعطاه لسان = علومه كل ابوها هافيه والنية النية

الا يامطيب اللي يجزي الاحسان بالاحسان=ونفسه دايم ماهي جافيه والنيه النيه
ياشين اللي ليا من قدم حجته بلا برهان=مع اهل العرف ناره طافيه والنيه النيه

انا ماالحقك شرهه بعد مالخبطت بالاوزان = على الرمضا ورجلك حافيه والنيه النيه
رح لقادح ترى قادح كريم ويشعم النيران = يعلمك الوزن والقافيه والنية النية