سلمت يا مبطل اصوات النواقيس = يا مبدل صوت الضلاله بالإذان
قبلك سليمه يسكنها كل قسيس = وأنت السبب والله هداهم للإيمان
يا ريف ربعه بالسنين المناحيس = يا خو هوى يا ذخرنا يا بن راكان
عبوس في وحه الوجيه المعابيس = وأنت البشوش الا لفا البيت ضيفان
هزاع في كفك يصيد الملاييس = لا صار يوم فيه روغات الأذهان

نطيت مرقاب براس الجذيبه = ما به فياده مير زايد تعني
على عشير راح وابطى مغيبه = اربع ليال وباح بالصبر مني
اشقر جعد ما ينتداوى صويبه = وصبات غيره باللحم مارمني
شرب الغلا واقفا بقلبي غليبه = غاب الفزع وأنا صياحي مقني
والله ولا من حجة ندعيبه = لا عــاد لابــده ولا هــوب مني
دنوا قعودي كان صارت مصيبه = يفرح ليا قرب شداده ودني
اشعل ليا هزت عليه العسيبه = بتيل كنه يرامح العصر شني
يلفي على حامي جوانب شعيبه = غصبن على الزعلان من غير مني
عقيل زبن اللى تدانت هليبه = خلا النصارى دينهم دين سني
شواش لا صارت علينا عصيبه = زود على الهقوة وخمني وظني
تتليه ربعه بالملاقا حريبه = كان الجمل حدد بقيده وثني