مرحبا مسهلا والطيب ميزه جميله=ومن تقدم بطيبه جمل الله حاله
ودي العب مع الشعار في كل ليله=خصه اليا بدى باليل الاسود هلاله

البقا يالسبيعي يامنجي دخيله=بارك الله بقرمن طيباتن خصاله
العب الليل توه وانت راعي طويله=والشهر راح نصه والقمر في كماله

البقا يالمرحب عد وبل المخيله= في محل الرجال الي يضلل ضلاله
انا الراعي الطويله وانت راعي الكحيله= الحمد الي جمع مابين فالي وفاله

ياولد عمنا مدري ياجار القبيله=البناخي علامه يلتفت يم خاله
كل واحد على طبعه وهرجه دليله=لاتدخل يدك بين الرشا والمحاله

مجلسن فيه عز الرجل والكيف هيله=يرفع الراس لمنه شرب من دلاله
واليدين الكريمه واليدين البخيله=كل رجلن يلوم النفس لاضاع ماله