سلام واحلا قول وعباره سلام وعباره=للقوم حاضرها وغايبها قولوا لغايبها
قادح نشوفه داخل الحاره ويلف بالحاره=نفسه ورا الغرات متعبها هو ليش يتعبها

يا مرحبا وأهلين يا جاره .. وأهلين يا جاره = دايم تضحي لأجل صاحبها من أجل صاحبها
قادح مريح في وسط داره مبسوط في داره = ودلالكم بالعز شاربها يا رجل شاربها

المشاركة الأصلية كتبت بواسطة عبدالله الجـــذع (المشاركة 806733) الله اكبر ابو سلطان مافيك حيله قادح رد وافي ياوافي واصلوا والصف دبل محبكم .,

قادح طريق الشر يختاره ياسرع ما اختاره=نفسه علامه مايهذبها نفسه يهذبها
ربي فضح للعالم اسراره يامشين اسراره=سبحان رب الناس ناكبها قشرا وناكبها

لنا على وضح النقا شاره .. وضح النقا شاره = فالأرض مشرقها ومغربها ..مشرق ومغربها !!
علمك هذه دوّر لنا غاره .. دوّر لنا غاره = أهل الوفاء لا لا تعذربها .. وأحذر تعذربها

صورتك عند الناس منهاره بالحيل منهاره=لكنّ قلي وش سبايبها عطني سبايبها
الصدق جبته واخذ تكراره بقول تكراره=والمحكمه يطلبك كاتبها حضّر لكاتبها

قادح مابين الناس له كاره .. معروف له كاره = إله مكانة ما أنت جايبها ..ما أنته بجايبها
معروف لا منه قدح ناره ..ثم أضرمت ناره = والحرب لا حثت ركايبها .. حثت ركايبها