الهيـــــــــــــلا *** منتدى قبيلة عتيبة - قصيدة؟؟؟؟؟اضرب على باقي حياتي صليبي

تقبلوا مشاركتي وهي
قصيدة للشاعر/عبدالله القثامي

يالله بالمعبـود يـا لنافـع الضـار ما غيرك احـدٍ للدعـاء يستجيبـي
تفرج لقلبٍ من عنا الوقـت منهـار الصبر ما فـاده وجرحـه عطيبـي
ليل وهجاد وضيقة أخـلاق وأفكـار وروابعٍ تخطـي والأخـرى تصيبـي
كني من البارح على واهـج النـار مدري نصيب الوقـت ولا نصيبـي
يرميبي الهاجوس في كـل مضمـار وتعبـت وأتعبنـي زمـانٍ تعيـبـي
قالو تطبب وانس يا فـدح ألأشـرار قلت المصيبـه كلهـا مـن طبيبـي
والله يـلا ياعاذلـي نظـم ألأشعـار وأفكـار مازونـه وصـدرٍ رحيبـي
آخذ بها مع سجـت الفكـر مشـوار لو ما غـدا لـي يالعـواذل ذهيبـي
ووجهت فكـري للتماثيـل وانـدار وبنيت لي قـافٍ صعيـبٍ عجيبـي
القاف لـن باحـت قوافيـه ينهـار يشيـب لاكنـه مـعـي مايشيـبـي
وصرفت من بالي تصاريـف بيطـار ينقـد مثاميـن الـكـلام ألأديـبـي
وبنـات فكـري بالمثاميـن تجـار وعلي مايصعب صعيـب الصعيبـي
ولأقول ما غيري من الناس شعـار لأكن ميـزة شعـري إنـي عتيبـي
أسمٍ بنا فـي عالـي المجـد ميكـار عـز الرفيـق منزحيـن الحريبـي
من غير قاصر في الرياجيل ألأحرار والله عليـم بكثـر خبثـي وطيبـي
والشعر ماني له عن النـاس حكـار لاكنه أصبـح فـي زمانـه غريبـي
بعض البشر مسقيه من كاس لأمرار واللـي يقـول اخطيـت لايقتديبـي
شف في الجرايد والمجلات وش صار حالـه وينبيـك اكـلام المصيـبـي
بيـن الحداثـه والغثاثـه وألأنكـار إنكـار تاريـخ الـبـلاد العريـبـي
يقلـون تقليـدي ولالـه ولاكــار وحنـا لجـزلات المثايـل نجيـبـي
ويقلـدون أفكـار دونيـس وانـزار والعيب عود طيب والطيـب عيبـي
وينعق وصفقله من اصحابـه انفـار ويقـول انـا رهيـب والله رهيبـي
الشعر ماله تالـي الوقـت مسعـار أهـل الحداثـه حـدروه الشعيـبـي
وإكان ما الله ثم هل العقـل والشـار أضرب على باقـي حياتـه صليبـي

منتدى النداوي;););)