واهـــــــنيك في حياتك بلهنايا يالورقا =واهنيك تلعبين السامـــــري مســــــروره
واهــنيك مانكوا قلبك بنــــار الفرقــــــا =ولا حنا الهجران حالك حنية الباكــــوره
ولا غرق جيبك وكمك من هميل الزرقـا =ولا نتبهتي هو دليل من الكرى مذعوره
ولاسرابك هاجس الخلان غرب وشرقا =من هزيع الليل الين الصبح يبدي نــــوره
مثل من بدنياه بلحيله درقته درقـــــــا =من كثر غاراتها ضده تهشـــــــــــم زوره
فالنحر فرسانها دايم طــعن زرقـــــا=صار جيشه منهزم وجيوشاها منصـــوره
مامرادي من هوا خطوا العنود الطرقا =لــوتبين قدمي المكيــاج والحــمــــــوره
حالي اللي سمها واللي سرقها سرقا =شــوف دارن كانت بسكانها معمـــــوره
يوم اسير في ربوع اوطان روق وبرقا =شوفها يحزن بعد سكانها مهجـــــــوره
منهم اللي هاجرو بديار حضر الورقـا =ومنهم اللي فيه ثراها اجسامهم مقبــوره
هافقي في مرحهم غيرالشنون الحرقا =والاثاثي والرحا والقرما المكســـــــوره
كل مشتاق لمباديها المنيفه ورقــــــا =قام في المداك كرا قدمي يعيد الصــوره
ونزلو جيبي وكمي من دموعي غرقا =ولو تعل العينها غرق الدمع معــــــــذوره
ليت ذكرن ذكرها وسط جوفي عرقـا =تنمحي مثل طباشيره من الصبـــــــــوره
ليت جرحي بلعلاج وبالقرايا يرقــــا =مير جرحي مزمنن يحتار به دكتــــــــــوره