تعال يا حاكم عليك الطلب وعلومك علوم=واطً ذنب حيه وفي حالتك شكة وريبه
وراك صدرك يتسع للرمي لا جا من القوم=ويضيق لا جات السواليف من ربعك عتيبة

جيتك وانا خابرك بين الرجال اتطيح وتقوم =عمده.. ولكن ماتخلص طليبٍ من طليبه
حاكم وابا الطم كل عايل وانا ماني بمحكوم=وليا زعل محكوم من حاكمه ماهي غريبه

يا حر ياللي كن ودك تقف في موقف البوم=خل الاجابة شافية لا تحوص عن المصيبه
انته مع الادنين ظليت عود ً وسط بلعوم=والا مع الاقصين كلك شهاميه وطيبه

لاتحسبن القلب من هرجتك ياشيخ مهموم=الكل يعرف وقفتي لآعوى ذيبٍ لذيبه
ان كنت ماتدري تريّح ومعفينك ومخدوم = اصلا وجودك بيننا مايساويله زبيبه

العمدة........حاكم


محاورة درجة اولى



متابعين