عقب طاح الربيع ويسر الله على البدوان=وقبل ربى صلاة المسلم اللي له قلب ثوبه
وجب شكره عليم الكون رب خالق الانسان=على يسره بعد عسره غفر للمسلم ذنوبه
وساق المزن من قبله سديد وداخله ربان=يهولك شوف ربانه وبرقه نار مشبوبه
وعم ابه الوطن والسيل غطى كامل الوديان=بوادر خير ومزونه على الجيان مصبوبه
من ا قصى الغرب لين انك تشاهد دار اهل خيطان=وسيله يحتدم والنوا مركم بانت نصوبه
اخذ حول الشهر والسيل عقبه عله الودان=ونبته عقب عشر ايام كل الخلق ذاعوبه
عقب ماكانت ارض ممحله والوقت وجهه بان=كساها العشب والوقت الشقى قفا بعرقوبه
تخالط كل نبته واشتبك فى داخل الريضان=على مد النظر والطير غنى جر مسحوبه
ومن زود الحيا راع الغنم يرعى مع الذيدان=بسطها الله عليهم والحسد والكره منووبه
وزان الجو والطلعه وزانت كشتة البران=وحتى راعى الفله هجر قصره ومحبوبه
وقاموا يلقطون الفقع والحبه كما الرمان=وكل ياخذ بشفه على قيسه ومطلوبه
وفى نبت الحيا عبره وجت فى محكم القران=دلاله ياعرب للبعث عقب الموت وكروبه
و مدام الله علينا( من) بانعامه وزود امان=وجب( شكره) لاجل يظفي علينا ستره وثوبه
نشوف من البلاوى فى زمنا لاغلب الاوطان=يكم من جارة فى حدنا بالفسق منكوبه
ومن لا ياخذ العبره بهدنيا شبه حيوان= مدام انه يشوف بعين ويصدد عن التوبه
والا يا للاسف ياكيف يعصى الواحد الديان= وهو عالم خفايا النفس والاعمار محسوبه
ونهاية قول سلطان النفيعى شكر للرحمن=على فضله بهانوبه واكررها بكل نوبه

المشاركة الأصلية كتبت بواسطة فهد النفيعي (المشاركة 804404) ونهاية قول سلطان النفيعى شكر للرحمن على فضله بهانوبه واكررها بكل نوبه صح لسانك مدد بلاعدد والله يقويك قصائدك في المنتدى رائعه وانا من اشد المتابعين لها واصل يالذيب اخوك/فهدبن عامربن بصيص الدلح المفرجي

المشاركة الأصلية كتبت بواسطة ملازم الطاعه (المشاركة 804736) وفى نبت الحيا عبره وجت فى محكم القران دلاله ياعرب للبعث عقب الموت وكروبه و مدام الله علينا( من) بانعامه وزود امان وجب( شكره) لاجل يظفي علينا ستره وثوبه نشوف من البلاوى فى زمنا لاغلب الاوطان يكم من جارة فى حدنا بالفسق منكوبه ومن لا ياخذ العبره بهدنيا شبه حيوان مدام انه يشوف بعين ويصدد عن التوبه صح لسانك ياخ سلطان المفرجي ابيات مليانه بالوصف الرائع ومختومه بالنصح والتوبه الى الله سبحانه أنا من اشد المعجبين بك والى الامام سر