غطرفي يابنت وارمي عليهـم بالـورود=قالها شاعـر وطنّـا خلـف واقولهـا
قلتها يوم اني شفت البحر وسط النفود=والبواخر فالصياهـد تشيـل حمولهـا
لاسحاباً فالسماء واسمع اصوات الرعود=ترعد وتبرق ولاشفـت فعـل سيولهـا
والقصر خلف البحر به خفافيش وقرود=والجراذي فالغـرف تـدَرج وتجولهـا
والبيت مايل ولاشفت في وسطه عمود=والذواري زايدٍ عرضهـا عـن طولهـا
مشيت لي خطوتين وتعديـت الحـدود=ولقيت السحابه الـي تصـب ثعولهـا
ولقيت رجالٍ يقول انا شـوق العنـود=والمواجيب احتويها واعـرف اصولهـا
يفوح من مجلسه ريح مسك وريح عود=والدلال مساطـره والنشامـا حولهـا
كل يوم يذبح من الحشو ميَـة قعـود=والعزيمـه دايمـاَ دارجـاَ مرسولـهـا
السنين الماضيـه لـو نحـاول ماتعـود=والسنيـن المقبلـه قومـوا جهزولهـا
خمس اصابع فاليمين لا تنقص ولاتزود=وخمس اصابع فالقـدم ثابتـه برجولهـا
وقَف وقَف يابدر وانه ابياتك في ركود=عشرة ومعها اربعـه وافيـاً مدلولهـا
السجينة فالسجـن بنقيدهـا بالقيـود=خلها فـي سجنهـا لا تبيَـن زولهـا
ماهوب حلم وشيً نشوفـه فالوجـود=والنهاية مشكلة مـن يعـرف حلولهـا

الله ولا نـــاسً يـبـيّـن غشـشـهـا=موضوع ما يبغـى كـلام ونقاشـا
نصيحتي يا خوك عطهم طنشها=دوّعلى الجزليـن خـل الخشاشـا