الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   معارك وبطولات (http://www.otaibah.net/m/forumdisplay.php?f=5)
-   -   عتيبه في كتاب(محمد ابن بلهيد) (http://www.otaibah.net/m/showthread.php?t=85399)

خالد بن مورق 28-Jan-2009 03:30 AM

عتيبه في كتاب(محمد ابن بلهيد)
 
قال الشيخ محمد بن عبدالله بن بليهد في كتابه (صحيح الأخبار) مانصه : (وقبائل نجد الموجودون في العهد الأخير ممن أدركناهم : قبيلة عتيبة , وهم اليوم أقواهم وأكثرهم , وقبيلة قحطان , وقبائل مطير بنو عبدالله , مساكنهم من القصيم إلى المدينة , وعلوا وبريه مساكنهم من سدير إلى الكويت , وقبائل حرب من القصيم إلى المدينة إلى جبل طي , هذه القبائل عرفناها وعرفنا قواعدها وعاداتها

بجّاد الثبيتي 28-Jan-2009 09:14 AM



مايحتاج كلام في هذا ..
وحتى لو عارضت كل القبائل هذا الكلام !

هو شيء وثبت ..
والأفواج التسعه تشهد لقوة عتيبة
مقارنه بالقبائل التي لم تقارب نصيب ماحصلت عليه !

وهذا التوزيع من الملك عبدالعزيز يرحمه الله
وهو من قدّر عتيبه كما رأى في قوتها
وليس بعد تقدير العظماء .. كلام !



ترنيدو عتيبه 31-Jan-2009 10:32 AM

بيض الله وجهك يا خالد بن مورق عزالله انك تنومس




فالكم الناموس ياعزوتي عتيبه (الهيلا)

بدر الديحاني 14-Feb-2009 02:55 AM

ونعم بكل القبايل

كلن فيه الصالح والطالح

والطيب والردي

وعتيبه الهيلا لها بالقلب منزال

يامال الغناهـ ياعتيبه حبكم يمشي في دمي

ولا هانت باقي القبايل

محبكم

ابناخيكم

ولد مطير

بدر الديحاني

إستراحة محارب 14-Feb-2009 10:25 AM

هذي الهيــــــــــــــــــــــــــــــــلا وانا اخوك قال ابن بليهد ولا ما قال ( الله يرحمه ) من غير قصور بباقي القبايل


شكري لك استاذي الكريم

الــعــد*** الــرهــاوي 15-Feb-2009 08:06 PM

يقول من عبـر بزينـات الامثـال=وزاهـي القوافـي جايبينـه جميلـه
من جاش اديبٍ ينظم الشعر بالحـال=اخذ جزيل القـاف وارمـي هزيلـه
الفكر يحضر والحبر فوقهـن سـال=والقـاف مـازونٍ علـى مايبيـلـه
مثـائـلٍ ماولفـوهـن الانـــذال=ولانقلوهـن مدركـيـن الفشيـلـه
شاقن لنظم الشعر ماضين الافعـال=يـوم الزيـاره لـديـار الجميـلـه
يوم الخميس ثنين وعشرين شـوال=جينا الرجـال الـي علومـه نبيلـه
اولاد0روق0الـي عريبيـن وثقـال=قبيـلـةٍ يـاحــي والله قبـيـلـه
اولاد روق الي لهم صيـت وفعـال=اهل السيوف المرهفـات الصقيلـه
و اهل بيوتٍ الراسيه كنهـا جبـال=عـز الرفيـق ومكرميـنٍ نزيـلـه
ذباحت الحائـل كريميـن الاشبـال=متوارثيـن الطـي نعـم القبيـلـه
شرهاتهم ماهي على جمعت المـال=فوق الصحـون يقلطـون الجليلـه
كبار الصياني والشحم فوقهـا سـال=اللابـه الـي يذبحـون المحيـلـه
وبيوتهم للضيـف مزبـن ومدهـال=وديارهـم كـم واحــدٍ يلتجيـلـه
لوننشد التاريخ ونشـوف وش قـال=يشهـد لهـم تاريـخ نجـدٍ وجيلـه
تاريخهم واضح على راس ماطـال=تاريخهـم بيـن وكــلٍ حكيـلـه
يومٍ علـى طـلال مايبهـج الحـال=ثار الدخن من حـر صلـو الفتيلـه
زادو على الهقوات يوم ادبر الفـال=يـوم الحرايـب والعـدو ترتكيلـه
ميزانهم يرجح علـى عائـلٍ عـال=وحريبهـم يـوم الـقـا عزتيـلـه
قبيلـةٍ ماطاوعـوا قـول عــذال=قومٍ على الحـراب تشفـي غليلـه
رجالهـم ينطـح ثلاثيـن رجــال=وخيالهـم ينطـح جمـوعٍ وخيلـه
للزيـن زينيـنٍ وللضـد جـهـال=عـوق الخصيـم ليابدامنـه عيلـه
قومٍ يعرفه عاقـل النـاس والضـال=سقـم الحريـب ومقحميـن الدبيلـه
يشدون سيلٍ يضرب الجـال للجـال=واللي بوجـه السيـل لازم يشيلـه
ودخيلهم يلقـا المعـزه ماهـو ذال=وعـزالله انـه داخـل بـه دخيلـه
وصديقهم الى نشدتـه عـن الحـال=يقيـن مايعتـاض فيـهـم بديـلـه
وصديقهم عنـه المحاميـل تنشـال=تنشـال لـوان المحـامـل ثقيـلـه
وعدوهـم يسقونـه الـمـر وذلال=باليـل يسـهـر ماتهـنـا بليـلـه
وعدوهـم يـذوق تسعيـن غربـال=خلـوا علـى كبـده حـر ومليلـه
وعدوهم لوهوامـن الجيـش جمـال=بالمعركـه خلـوه يطـرق شليلـه
يردون حوض الموت جسرين الاقبال=فرسان لاركبـو ظهـور الاصيلـه
صولاتـهـم غدابـهـا كمـرجـال=وياويـل رجـالٍ تعـرض سبيلـه
وكم من عقيدٍ وسدو راسـه الجـال=وشيـوخ راحـو بالمعـارك قتيلـه
ولـو ابعـد فعولهـم مالهـا تــال=يصعب علي اعدادها مـن حصيلـه
يستاهلون المدح عربيـن الانسـال=نسل الرجال اللي علـوا بالطويلـه
شي لشوفـه زاد مدحـي بالاقـوال=والقـول بعـد الفعـل اكبـر دليلـه
وجعل الخيال اللي نشى فوقه اخيـال=والغيث يمطر من حقـوق المخيلـه
على نفي امـع القـراره ولاجبـال=وتسيل كـل اشعابهـا مـن مسيلـه
حيث انها دار البطولـه والابطـال=دار الكـرم والطيـب للـي يجيلـه
دار لهم حامينهـا مـاض الاجيـال=من دونها ترخـص عمـارٍ طويلـه
يقولهـا اللـي ماتغيـر والامــال=قـول الحقيقـه والصراحـه يبيلـه
وصلاة ربي عـد ماواديـن سـال=وعداد بـراق بـرق فـي مخيلـه
على الذي سن الفرايض والاعمـال=نبينـا المخـتـار راع الفضيـلـه

الــعــد*** الــرهــاوي 15-Feb-2009 08:12 PM

ونعم بربعي وبالقبايل كلها
تقبلووو مروري
وشكرا

خالد بن مورق 12-Jul-2010 01:31 PM

حياااااااااااااكم الله جميييييع

الثاقب1 25-Jul-2010 10:56 PM

وجعل الخيال اللي نشى فوقه اخيال
والغيث يمطر من حقوق المخيله
على نفي امع القراره وابوجلال
وتسيل كل اشعابها من مسيله
حيث انها دار البطوله والابطال
دار الكرم والطيب للي يجيله
دار لهم حامينها ماض الاجيال
من دونها ترخص عمارٍ طويله
يقولها اللي ماتغير والامال
قول الحقيقه والصراحه يبيله
وصلاة ربي عد ماوادين سال
وعداد براق برق في مخيله
على الذي سن الفرايض والاعمال
نبينا المختار راع الفضيله

الدقيق 26-Jul-2010 12:21 AM

التاريخ لـ اهل التاريخ


الساعة الآن »01:41 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd