الليله انته يالثبيتي من بعيد اليا بعيد=خلك هنيا لا تحايد وفهم العلم افهمه
جاك الخصيم اللي معه فالمعركه سيف حديد=وليا هرج معروف ماينشب لسانه في فمه

اتقول تاجر فالبلد لكن وش عندك رصيد = ترا الفقير ايمر بازمه خانقه ماترحمه
وين الرسايل مالقيناها في صندوق البريد = والمشلكه مدري من العنوان ولا الترجمه

انته تغني يالثبيتي باللحون وبالقصيد=والفارس ايمرك على ضهر الفرس ماتزهمه
ارسالتي عنوانها واضح وجتك ابرقم قيد=لكن حضر حجتك ودخل معي فالمحكمه

مالك ومال الفتنه اللي كل ماتنقص تزيد = والصقر لو انه يكب الصيد ماهو برخمه
هات الدعاوي هاتها والله يدبر مايريد = واعرف قوانين الكتابه بالقلم والمرسمه