يالله ياسامـع دعـاة المصليـن=ياوامرن خلقه على حـج بيتـه
ادعيك يارب المـلا والسلاطيـن=ادعيك ولابه واحدن قـد دعيتـه
ارحم ابو منصور ياشارع الدين=واجعل في جناتك سكنه ومبيته
جاني خبره الشين بين الصلاتين=مكتوب فالساحة خبره وقريتـه
سيس بناه الهم وشابت به العين=والقلب تله ذا الخبـر ماحميتـه
مرحوم يارجلن تـدك المياديـن=خصيمك بقو المعانـي عميتـه
تجيب قافن تقطفه من بساتيـن=قافك على جزل المعاني بنيتـه
والله لو بكتب عشانـك دواويـن=حقك يابو منصور انا ماوفيتـه
يارب صبرنا على فقـد غاليـن=تقدر تصبر من يطيع ان بليتـه
والموت دربن كلنا فيه ماشيـن=وهذا قضى المولى وانا مافتريته
وختامها صلو على احمد ملايين=محارب المشرك بروحي فديتـه