أخواني زوار منتدي الهيلا
السلام عليكم ورحمة الله وبركاته وبعد
حبيت أن أضع بين أيدكم أربع قصائد وهي مراد بين شعراء من كبار وفطاحلة شعر النظم وهم الشاعر الكبير/ عبد الله بن نايف بن عون
والشاعر الكبير / غازي بن دخيل الله بن عون

أمل أن تحوزعلى القصائدعلى رضاكم

ياحلو خنيابن يجنا مع الباب =يغني براده عن براد المكيف
ليا جاك من روس الشناخيب منساب =يمشي تحت في السحاب المهيف
حدر السحاب مسيره رب الارباب =الواحد اللي بالمخاليق ريف
على بقاعن تجتمع فيه الاقراب =روابي الطايف مصيف المصيف
دارن يجيها الخير مع كل نباب =وللضيف فيها كل يوم مضيف
يامن يدير القاف من عقب ماشاب = للجوهر الاصلي مهوب المزيف
غازي هو اللي يجبر القاف لاعاب =اللي على القاف المشيب يكيف

يامن فتح عن سحر الالباب الابواب =روائعن مع كل ظرفن تكيف
فتانة بسلوبها تسب الالباب=من حسنها في كل حسناء تعيف
بصوغ العذاب اللي ينالن الاعجاب =قبلي شهدله زيد وبن طريف
والمدح في باقي فعل زاك الانساب =ماله حدود لويعرض قصيف
أن ساق شعره مع نسيم الهواء الهاب =لانساب من طور الحجاز المقيف
لسقم السقيم أخير من بعض الاطباب =يشفى العليل اللي بكبده تليف
ومزنه خيامن مالها عمد وأطناب=ولايشادي لقح وضح الشريف

ياطيبن مالك عن الطيب مجناب =وزنك ثقيل وزن غيرك خفيف
جاوبت بسلوبن للالباب جذاب =يكسب مراضي من أحساسه رهيف
ياابن العديم اللي تداره الاجناب =هاك البتيل اللي على البعد شيف
يومنها توخذ بتكليحة الناب =فعله على فعل النشامى منيف
ويومنها صارت مخادع وعرقاب =وصار القوي يغتال فيها الضعيف
وصارت لذايذها تجانف للذناب =والروس منها في مجال قضيف
والذيب فيها يقرع الناب بالناب =ولاعاد يفرس لويشوف الخريف
وأنته وأنا صرن بها مثل الاغراب =يحتدن دون النقيب العريف
دنيا التأمر والتباغض والارهاب=زل الطري منها وبقي المجيف
حتى قريبك مامعك منه مقضاب =يحط له بينك وبينه سنيف

يامن جنا من نبتت السيف ماطاب =وخلى الجريد وليفها للمليف
عدن قبل فقره من العذب عباب = مانتقصه وارد حسين الخريف
لوللشعر لجنه وتنظيم وأداب =شعره على جوامع الشعر نيف
مير الشعر شاف العقايب والاتعاب =من يوم رفع فوق نايف نويف
وجحا شرب فنجال أبو زيد وذياب =واللي على بيض الحبارا يحيف
بعض الشعر معورة فوقها أسلاب =ويفضح معايبها سلبها السخيف
وبعض الشعر يكسى عن النقد جلباب =وزنه ثقيل وهو رشيقن سهيف
ومن يوم أبو نايف فتح درفت الباب =اليا تكلم عوف ينصت عويف
كنه عن اللي نضمره سئل وأجاب =وقت يكبر فيه حجم النحيف
واللي له أسلافن يهدون الاصعاب =بوقت العجايب صار حقه طفيف
وعساك تسلم ياذخر حصن الاطلاب =يالحافن لاشح عن اللحيف