الهيـــــــــــــلا *** منتدى قبيلة عتيبة - يانجمةالصبح كبدي منك مرهوقه

قصائد مشهورة
يانجمة الصبح كبدي منك مرهوقه

كتب: طلال المسيمير
القصائد القديمة تظل عالقة في ذاكرة من يحب الشعر ويضرب بها أمثال عند تعرضه للمواقف ويتغنى بها في خلوته وسلوته او ترفه ونجد بعضاً ممن يحفظون هذه القصايد يجهلون شعراءها أحياناً والبعض ينسبها الى شعراء آخرين مع انه يحفظها جيداً ومن بعض القصايد الجميلة قصيدة الشاعر المعروف نمر بن صنت التي تقول:

يانجمة الصبح كبدي منك مرهوقه

ليا شع نورك علينا لا تغيبيني

ستاير القلب من فرقاك مفتوقه

اصبر من العام لين انك ذبحتيني

لبيك ياللي تتل القلب وعروقه

كله على شان يوم انك تلبيني

ياقلبي اللي من الغالي دنا عوقه

يا ناس اشيروا عليها لا تقاضيني

وان كان قلبي تليش عنه صندوقه

شدوه لين اتجود فيه بيديني

قالوا معاليق قلبك منه مسروقه

قلنا خذتها الضحى والناس واعيني

عديت عن مبسم المجمول لا ذوقه

انا بلاوي الحيا وادري على ديني

الود لو نتركه عنا وطاروقه

اظني ارتاح وانتي تستريحيني

يالله يا خالق الدنيا لمخلوقه

تقدر على الموت تذبحني وتحييني

تلم شملي لابد الروح مرفوقه

بأربع هناديس في قبري تخاويني