يا مسندي قلبي على الدوم يطريك = ما غبت عن عيني وطيفك سمايـا
هذي ثلاث سنين والعيـن تبكيـك = ما شفت زولك زايرآ يـا ضنايـا
تذكر حياتي يوم أشيلك وأداريـك = وألاعبك دايـم وتمشـي ورايـا
ترقد على صوتي و حضني يدفيك = ما غيرك أحدآ ساكنن في حشايـا
وليا مرضت أسهر بقربك وداريك = ما ذوق طعم النوم صبح و مسايا
ياما عطيتك من حناني و بعطيـك = تكبر وتكبـر بالأمـل يـا منايـا
لكن خسارة بعتني اليوم و شفيـك = وأخلصت للزوجة وأنا لي شقايـا
أنا أدري أنها قاسية مـا تخليـك = قالت عجوزك مـا أبيهـا معايـا
خليتني وسط المصحة وأنا أرجيك = هذا جزا المعروف وهذا جزايـا
يا ليتني خدااامـة بيـن أياديـك = من شأن أشوفك كل يوم برضايـا
مشكور يا وليدي وتشكر مساعيك = وأدعي لـك الله دايمـآ بالهدايـا
حمدان يا حمدان أمـك توصيـك = أخاف ما تلحق تشوف الوصايـا
أوصيت دكتور المصحة بيعطيـك = رسالتـي وحروفهـا مـن بكايـا
وأن مت لا تبخل علي بدعاويـك = وأطلب لي الغفران وهذا رجايـا
وأمطر ترااب القبر بدموع عينيك = ما عـاد ينفعـك النـدم والنعايـا

نسال الله السلامه ... ورضا الوالدين ...لاحول ولاقوة الا بالله ...
اخوي رايد الهديبي لاهنت على النقل ...والله يعافيك ويجزاك الخير...