سلام رديَّةٍ تأتي على حسب الهواجيس=يجيبها قلبي الصادق وينطقها لساني!!
واللّي بعدها يابن سرحان لايلعبَّك أبليس=أبليس يدخل على الأخوان ويطش الخواني!!

يامرحبا ياخوي الجنب والحشمه لها قيس = وانا بقيس العلوم امشي ودربي ماغواني
ابليس ذا مذهبه والعلم عانه فالقراطيس = ياشاعر ٍ ينقد الشعار وايعرف المعاني

ياصاحبي مابنينا جدرنا من غير تأسيس=مير أنت تبني بلا سيسان وأخلفت المباني!!
ياحادي العيس وين أنته مروّح؟ تشعب العيس=ما قبلك الاّ بحر جدّه..تعيَّن درب ثاني!!

انا ادري انك تبا تمشي مع ادروب المعاكيس = اللي حدوني على درب ٍ مشيته ما عصاني
انت السبب فالمصايب كلها انته ياكديميس = مالك ومال الضلاع اللي على درب المحاني

شيٍ طبيعي تناسى كيف توليع الفوانيس=مادامت الكهربه ماتنقطع عنّكم ثواني!!
لن كنت عاشق وهاوي.. ما أنته مسوّي مثل قيس=قيس الملوَّح ..مايعشق مثل عشقه مودماني!!

سريتها وانت خابر وين ودوا عرش بلقيس = يومنها شافته بين الدقايق والثواني
لكن تدري وانا ادري ويش في سد الكواليس = اليا انتهى المشهد المزعوم بين اعيال ثاني