للعضيان فقط
 

أبناء العم العضيان
السلام عليكم ورحمة الله وبركاته ،،
أرجو ممن يحفظ القصيده التي نضمها واحد من شعراء العضيان
وهي عباره عن عتاب منه لأبنه
حيث أن الابن عندما تزوج أنتقل من البلد الذي كان يقيم فيه
بعد ما كان مع والده .
القصيده طويله ولاكني لا أحفظ منها الا هذي البيت

والله لو هو والدا لي ما اخليه ـ ـ ـ في والدي والله ما أطيع المشيره

فأ رجو ممن يحفظها مع قصتها أن يمتعنا بها
وأن أمكن ذكر أسم صاحب القصيده

ولكم جزيل الشكر

الشاعر الفارس / ناصر الشغار شيخ قبيلة الدماسين من العضيان من الروقه
عندما تزوّج ابنه محمد من قبيلتهم فتاه حسناء وأشارت عليه بأن يتبع أهلها
من زيادة مودّته لها فقبل رأيها
وفي هذه القصيده يعتب شاعرنا على ابنه ويذكره بأنه فارس مغوار فكيف يتبع تلك
المرأه ويترك والده وقد أرسل القصيده لابنه وذكر له بانّه إن لم يأتي بعد هذه القصيده
فسيعتبره من ضمن الاموات وهذا نص القصيده


[poet font="Simplified Arabic,4,black,normal,normal" bkcolor="transparent" bkimage="" border="outset,4,teal" type=1 line=200% align=center use=ex length=0 char="" num="0,black" filter=""]

يالله ياللي كل حي ّ ٍ يراجيه = ياعالم ٍ بالبيّنـه والسريره
لترحم اللي له جنين ٍ معاديه = ياحيف كيف ابني غدالي نحيره
على رجاي ولاحداً غيرك أرجيه = الدين والدنيا عليك تعبيره
ابني نزح عنّي بلاشي ٍ مقزّيه = ترك هواي وطاع لاريا عشيره
غدت به اللي كنـّها بكرة التـّيه = لاهايفت له قام يطما زبيره
نوب ٍ يناجيها ونوب ٍ تناجيه = وعزّي لمن زين الوصايف شويره
سدّت على نضو ٍ من الزمل تتليه = فوق أشقح ٍ يقطع بطانه ضميره
ذيب الطراد إن جاه حلّ القضا فيه = مايسنح المركاض يضرب عويره
خاله وأبوه مشبّحينه باياديه = ولولا شبوحه كان ماراح ديره
الدرب له مع كل ريع ٍ منّقيه = والبذر مايخلف نباته بذيره
لين القبايل كلهم خيّلوا فيه = وخايلته اللي كالمهاه الحذيره
أصايل ٍ من فيدنا ماتعب فيه = علط الرقاب يسابقن ّ الذخيره
والله يالوهو والد ٍ لي مخليّه = في والدي والله ماأطيع المشيره
واتبع هوى نفسه واجي في مراضيه = والعمر صيّور الدواير تديره
الحر يقضب ماكره مايخليّه = يقطع من النيّات نفس ٍ تديره
حر ّ ٍ ومن ماكر حرار ٍ مجانيه = ياحيف يالولاه عمي البصيره
[/poet]




وعندما وصلت قصيدته إلى ولده ندم على فعلته وعزم على العوده لوالده
وأخبر زوجته باختيارها في العوده معه أو البقاء عند أهلها فلمّا رأت عزمه
قالت له أنّي معك فاشترط عليها أن تقوم بحمل البيت والعفش كله على الابل
فقبلت الشرط وعاد إلى منزل والده ... والتم شمل الجميع

الجدير بالذكر ان زوجته من قبيلة الخراريص من ذوي عطيه من الروقه

أخوي الباحث ( الكبير ) منت صغير
بيض الله وجهك بياض الثلج في عز النهار على ها الفزعه منك
ومشكوووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووورررررررر .
وصح لسان الشاعر الشغار ونعم بالجميع

أخوك مشعل الروقي

مشعل

العفوووووووووووووووووووووووووووووووووووو

وشكرا ً على هذا الكلام الجميل والذي يدل على كرم اخلاقك

وماسوينا شي تجاه شيوخ عتيبه في ذكر بعض قصائدهم او افعالهم

ولكم اني تايم |4|